رفضت الخمرة وكنت بنضف حمامات في لندن.. باسل الزارو يكشف مفاجآت لأول مرة عن حياته الشخصية
تحدث الفنان باسل الزارو عن حياته الشخصية ودخوله لمجال الإذاعة والتمثيل، وعن رفضه للعمل في تقديم الخمور، مشيرًا: اختارت أنضف حمامات عن أني أقدم خمره.
أبرز تصريحات باسل الزارو في إحدى البرامج التليفزيونية
ـ لما سافرت لندن مكنش معايا فلوس.. ودورت على شغل في مطعم وصاحب المكان خيرني بين تقديم الخمرة أو تنضيف الحمامات.
ـ اختارت أنضف حمامات، لأني بحب ديني وبحلم باليوم اللي أكون فيه على الصراط المستقيم.
ـ حب حياتي مكنش للإذاعة، ولكن التمثيل ممكن أمثل ببلاش عادي ونص الحاجات اللي مثلتها كانت ببلاش.
ـ وأنا كنت أكتر واحد في سني بيدفعله فلوس في العالم العربي كمذيع.
ـ وخدت في برنامج X factor 60 ألف دولار.
ـ عمري ما روحت للدكتور نفسي وحاسس لو روحت هفتح باب مش هعرف أقفله.
ـ مكنش حلمي أني أكون مشهور ولا أطلع في التليفزيون.. كان حلمي أكون رجل أعمال ومعايا فلوس.
ـ الشهرة صعبة تتحكمي فيها بالذات في سن صغير.. وكنت مغرور ومتكبر وحسيت أني جامد وأنا صغير وكنت بروح أماكن محدش يروحها في السن ده.
آخر أعمال باسل الزارو
يعد فيلم هارلي آخر أعمال باسل الزارو، وطرح العمل في عيد الفطر المبارك 2023، وضم عدد من النجوم أبرزهم، محمد رمضان، مي عمر، محمود حميدة، وعدد آخر من الفنانين، والفيلم من تأليف محمد سمير مبروك وإخراج محمد سمير.
