سيد رجب: حسيت بنتيجة فيلم 19 ب من خلال الجمهور.. وساعات ببقى متخوف من مقابلة النجوم
تحدث الفنان سيد رجب عن فيلمه 19 ب، والذي حصد مؤخرًا العديد من الجوائز في مهرجان القاهرة السينمائي والمهرجانات العربية، مؤكدًا أنه شعر بنتيجة وأهمية رسالة العمل من خلال الجمهور في مهرجان القاهرة السينمائي الدولي.
وقال سيد رجب في لقائه مع القاهرة 24: حسيت بنتيجة فيلم 19 ب، من خلال الجمهور في مهرجان القاهرة، وبعد كده الفيلم خد جوائز كتير من تونس والمغرب وجوائز أفضل ممثل وأفضل مخرج وده شرف كبير لينا، وده نتيجة طبيعية لشغل اتبذل فيه مجهود من أول الفكرة لغاية ما طلع.
أما عن النجم المفضل بالنسبة له بين النجوم الذي تعاون معهم خلال الفترة الماضية، فعلق سيد رجب قائلًا: طبعًا سعيد جدًا بتعاوني مع كريم عبد العزيز وأحمد عز، أنا اشتغلت مع ناس كتير جدًا وفي النهاية أنا بحبهم كلهم وساعات ببقى رايح لنجم ببقى متخوف هنتقابل إزاي وعلاقتنا إزاي وهننقل طاقتنا لبعض إزاي، ولكن بعد ما بنتشغل الموضوع بيخلص والدنيا بتبقى تمام.
وتابع سيد رجب: أنا سعيد بممثلينا وإمكانياتهم وأتمنى يبقى في تعاون على طول معاهم، وكلهم بيقدمولي جديد وبنتبادل طاقة وكل ممثل بشتغل معاه بفيده وبستفيد منه.
أبطال فيلم 19 ب
وعرض فيلم 19 ب في مهرجان القاهرة السينمائي في دورته الـ 44، وضم العمل عدد كبير من النجوم أبرزهم، سيد رجب، ناهد السباعي، أحمد خالد صالح، فدوى عابد، وعدد آخر من الفنانين، والعمل من تأليف وإخراج أحمد عبد الله السيد.
