أبو ليلة: عندي كهرباء زيادة بـ المخ.. وربنا بيخلص من اللي عليا في الدنيا
أكد مؤدي المهرجانات أبو ليلة، أنه يعاني من كهرباء زائدة في المخ، بجانب الحديث عن طفولته وبداية مشواره الفني.
وقال أبو ليلة، في تصريحات تلفزيونية: عندي كهربا زايدة في المخ وباخد دواء كل 12 ساعة، ومرضي نقطة سودة في حياتي ربنا بيخلص من اللي عليا في الدنيا.
وأضاف أبو ليلة، أنه يشعر بالرضا الكامل تجاه كل ما قدمه في مشواره الفني، قائلًا: الحمد لله حققت حلمي ولسه مكمل في طريقي وقدرت أعمل حاجة.
أما عن بداية مشواره الفني، قال أبو ليلة، إنه بدأ مشواره الفني مع الفنان سعد الصغير، موضحًا: بدأت مشواري الفني وأنا عندي 7 سنوات، وأول فرح غنيت فيه كنت مع سعد الصغير وكنت بغني أغنية بحبك يا حمار في محطة الرمل بالإسكندرية.
أبو ليلة: حمو بيكا على الله حكايته
كشف مؤدي المهرجانات أبو ليلة، رأيه في حقيقة كواليس مقاطع الفيديو الذي ينشرها مؤدي المهرجات حمو بيكا مؤخرًا عما إذا كانت حقيقة أم مفتعلة منه، قائلًا: حمو بيكا على الله حكايته أي كلمة فيها سين وشين مع بعض ما بيعرفش يقولها.
وعن علاقته بمغني المهرجانات الشعبية حودة بندق، أوضح أبو ليلة: بعتبر حودة بندق ابني من وهو صغير وكنت بحميه ووالده وصاني عيله قبل وفاته بساعة، وشخصية نظيفة وبيقولي يا بابا، وكنت هتجنن لما عمل حادثة، ومخضوض عليه وتذكرت وقتها وصية والده لي عم بندق، وبعشق حاجة اسمها حاجة بندق.
