سهير رمزي: قررت ما اشتغلش في النصف من شعبان للتفرغ لقراءة القرآن والصلاة
تحدثت الفنانة سهير رمزي عن عيد ميلادها وكيفية الاحتفال به، مشيرة إلى أنها كانت تحب يوم ميلادها بشكل كبير لكنه أصبح ثقيل على قلبها بعد وفاة والدتها.
وقالت سهير رمزي في تصريحات تلفزيونية: كنت بحب عيد ميلادي لما والدتي كانت عايشة لكنه أصبح ثقيلًا عليا ويذكرني بوالدتي، لكن الحمد لله ربنا بيعوضني بحاجات حلوة، وربنا تملي حنين عليا وجوزي بيعمل لي حاجات لذيذة في عيد ميلادي وأصحابي وأهلي حتى لما دخلت الاستديو أصور فاجئوني واحتفلوا بعيد ميلادي، وحب الناس هو ده الطقوس الحلوة اللي بحبها.
وأضافت سهير رمزي: بزعل عشان في سنة راحت مني، ومش بكون فرحانة أوي وبقول يا ترى السنة الجاية هتبقى عاملة إزاي، ويا ترى عملت فيها حاجات حلوة ولا لأ، وبصالح أي حد زعلته لأني مش عارفة هكون موجودة السنة الجاية ولا لأ.
وأكملت: كل المكالمات اللي جات لي في عيد ميلادي أسعدتني، والسنة دي بحمد ربنا أني ما حاولتش اعتذر لحد لأني مش مزعلة حد مني وكل صحابي حلوين وكويسين، ولكن في سنة من السنين كلمت أحد أصدقائي واعتذرت له وقلت أنا آسفة وسامحني.
مش بشتغل في النصف من شعبان
كما تحدثت سهير رمزي عن ليلة النصف من شعبان، مشيرة إلى أنها قررت آلا تعمل هذا اليوم لتتفرغ لعبادة الله، قائلة: قررت النهاردة ما اشتغلش، وقلت ليهم سيبوني لأنه اليوم ده بيجي مرة في سنة والواحد بيكون محتاج يقعد مع نفسه ويقرأ قرآن ويصلي كتير ويدعي لربنا.
