أحد ضحايا شركة هوج بول: كنت حاسس إنهم نصابين والطمع خلاني أكمل| فيديو
قال أحمد زكي أحد ضحايا شركة هوج بول، إن البداية كانت عندما عرّفه أحد أصدقائه على تطبيق هوج بول، وبدأ يشرح له كيفية التعامل مع التطبيق بعد تنزيله من جوجل بلاي، ثم شراء آلات تعدين، ثم بدء تشغيل عليها كل 24 ساعة، مشيرًا إلى أنه عند الضغط عليها تنزل لك الأموال وتسحبها عبر فوافون كاش.
ضحايا شركة هوج بول
وأضاف زكي في بث مباشر عبر القاهرة 24، إلى أن منصة هوج بول تعمل منذ شهر أغسطس الماضي، حيث كانت الأمور تسير بشكل عادي، وكان الضحايا يتقاضون أرباحهم قبل أن يفاجأوا بـ إغلاق المنصة مردفا: كان كل اللي دخل في الشهور الأولى قبل أن تغلق يتقاضى أرباحا، وكان عبارة عن آلات تعدين تربح وتسحب من على فودافون كاش وكل يوم بتاخد عائد يومي وأنا عرفت تاني برضو وفضلت 3 شهور بسحب.
وأردف قائلا: كل الناس بتشوف الـ 200 جنيه ثمن بخس، بتجرب وتلاقي نفسك خدت 4 دولار مكسب 20 جنيه، وبعد كده بتوصل لـ 80 جنيه، وتزيد وتوصل إلى 400 جنيه، وكنت شاكك إنهم نصابين لكن الطمع هو اللي دفعنا أكمل وفي الآخر كنا ضحايا الطمع.
ضحايا منصة هوج بول
وأكمل: أنا كنت شاري آلات تعدين بـ 40 ألف جنيه، وبعدين اشتريت مكنة بـ 1600 ثم اشتريت مكنة بـ 4000 ثم مكنة بـ 6000 بتدي 13 دولار، وعلى الأبلكيشن كنت واضع ما يعادل 40 ألف جنيه، وطول ما المكن كان شغال كان كل الضحايا بياخدوا فلوس.
وأردف: أنه يوم 27 طلبوا منا نشتري صندوق شبيه لشهادات التعدين ولكن بشروط أن تكون مدخل الفلوس على فودافون بمعنى أنه لازم يكون معاك فلوس نقدية لازم تجهز فلوس نقديه والصندوق أبو 4000 آلاف هيديك في خلال 5 أيام 20 ألف جنيه وصندوق بـ 8 آلاف يديك 40 ألف.
وأشار أحد ضحايا هوج بول إلى أن المنصة كان عليها 800 ألف مردفا: دفعوا الفلوس كلها وعملوا إغراء للناس في البداية، وأنا حطيت 40 ألف ومراتي حطت 40 وبنتي حطت 40 ألف،والناس كانت تستنى أول الشهر أو آخر الشهر علشان ميتخصملهاش 15 بالمائة.
وأكمل: كانت الناس بتحوش آخر الشهر صافية الأرباح علشان متتخصمش منه قبل أول الشهر وقبل آخر الشهر، والناس كانت تسحب في آخر الشهر، وفيه 700 ألف شخص اشتروا المكن أبو 4000، وكمان أبو 8000، وفضلوا يقولوا فيه عطل وأعطال في الشركة، وفيه ضغط، واكتشفنا إن الشركة قفلت التطبيق يوم 27 وكل المودعين محدش استلم فلوس.
منصة هوج بول
واستكمل: قالولنا هنعوضكوا والفلوس كانت تنزل على الأبليكيشن لكن مكانش فيه سحب، واكتشفنا إن النصب من أول الشهر يوم 1 في الشهر وامبارح كان فيه اجتماع على الجروبات واللي كانت بتنسق معانا واحدة اسمها "المستشارة زيو" ومحدش يعرف جنسيتها وكنا شاكين إنها مصرية بس اسم حركي ليها.
واختتم: امبارح الساعة 8 ابتدوا يخرجوا على الواتساب وابتدوا يظهروا شتيمة على تطبيق التريكولر ونصبنا عليكم، وهي دي الأرقام اللي كنا بنعمل عليها فلوس وابتدوا يتصلوا علينا بعد ما الشركه قفلت وقالولنا نصبنا عليكم، وفوجئنا أن شركة هوج بول طلعت اسمها مستنقع الخنازير، وأنا أعرف أشخاص دفعوا مبالغ وصلت إلى نصف مليون جنيه.
