محمد دياب: كلنا هنعرف قصص بعض يوم القيامة.. ودي مش حاجة فضيحة
تحدث المخرج محمد دياب عن المرحلة التي يعيشها في الوقت الحالي، وبجانب ذلك حديثه عن مفهوم التعاطف عنده والإنسانيات في حياته، وذلك خلال برنامج AB talks.
وقال محمد دياب خلال حواره: أنا في مرحلة حلوة في حياتي عايش أحلامي، وكل واحد أحلامه بتتغير كل فترة، وشفت أن الفيلم بيأثر في المجتمع زي فيلم الجزيرة.
وأضاف محمد دياب: بحس نفسي إني عادي في كل حاجة، وساعات بنقول لنفسنا إحنا ليه مدخلناش الجنة على طول؟، مش هتفهم ولا تعرف ولا تتعاطف مع التجربة إلا لما تعيشها، وبحس تصورنا للإسلام يوم القيامة إن كلنا هنبقى قصاد بعض بنعرف قصصنا هنعرف تجربة كل إنسان، ودي مش حاجة فضيحة أنا عايز أعرف أنت عملت إيه في حياتك.
واستكمل دياب حديثه: عمري ما حكمت على أشخاص إلا لو وقعت في نفس الغلط، لو فيه حاجة عايز أعلمها لعيالي هو التعاطف، لأن دي الحاجة اللي لو موجودة العالم هيكون مثالي.
آخر أعمال محمد دياب
يعد مسلسل Moon Knight آخر أعمال محمد دياب، الذي حقق نجاحًا كبيرًا، وتم تصوير بعض مشاهده في مصر، وتحديدًا في القاهرة، وتدور قصته في قالب من الخيال حول المرتزق مارك سبكتور، الذي ينقذ حياته من خطر محقق اﻹله خونشو، إله القمر لدى المصريين القدماء، بينما يتعامل مارك مع شخصية أخرى داخل جسده تُدعى ستيفين جرانت، ويدخل بطل المسلسل في صراع كبير مع الإلهة ماعت عند المصريين القدماء التي تتجسد في التمساح ليحاول التغلب عليها والنجاة بحياته.
