السيسي: اللي هيقدر يتجوز يقدر يدفع في صندوق دعم الأسرة
قال الرئيس عيد الفتاح السيسي، رئيس الجمهورية: إحنا طارحين صندوق يسمى صندوق الأسرة، ففي فترة الخلافات الزوجية الأسرية تكون في فترة معينة، في الفترة دي مين هيتكفل بالأبناء، وهما زعلانين من بعض وبيقطعوا بعض ومش عاوزين يصرفوا، مين بقى اللي هيضيع في الوسط الأولاد أولادي أبناء مصر.
أضاف السيسي: قولنا نعمل صندوق دعم الأسرة المصرية ويتكفل هذا المشروع بدعم الأسرة في أوقاتها الحرجة، وهذا الدعم سيأتي من مساهمة الحكومة والمتزوجين، فالناس فاهمة إن الدين بيخاطب الضماير بس، ولكن الدين له نظم والدولة لها نظم، يعني الدولة تاخذ اتجاه وتعمل قواعد واتجاهات.
تابع الرئيس السيسي: علشان الناس تفهم يعني أي دين حقيقي مش نخاطب ضمائر الناس فقط، والدولة مسؤولة تعمل اتجاهات ونظم تحقق مقاصد الدين بيطلبها.
وأردف: لقينا وزارة التضامن بتقدم مساعدة للأسر يعني إن المبالغ الموجودة من الأرباح مبقتش متواجدة، وبقى في مديونية 300 مليون، هقف اتفرج على الموضوع واسكت؟ لا قولت نعمل صندوق واللي هيتجوز هيحط في الصندوق مبلغ بسيط كل الناس تقدر عليه، اللي هيقدر يتجوز يقدر يدفع المبلغ ده مش بتعملوا فرح وتقعدوا تتخانقوا على الشبكة والفرش.
توجيه رسالة لجميع المواطنين
على جانب آخر، حرص الرئيس عبد الفتاح السيسي، رئيس الجمهورية، على توجيه رسالة لجميع المواطنين، مشددًا على ضرورة تكاتف الجميع لتخطي هذه الأزمة التي تمر بها البلاد في ظل نقص في توفير العملة الأجنبية، وبالتحديد فيما يخص الدولار.
وأضاف السيسي خلال افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة: كل كلمة بقولها ممكن تكون عنوان، أنتم فاهمين يعني إيه المواد الغذائية يزيد تمنها مرتين 3، مين يقدر يستحمل ده؟، بس خلي بالكم إن البلد إلى حد ما كيف ستجابه تلك الحالة، وبنحافظ ما أمكن على عدم زيادة الأسعار.
