أبرز تصريحات الراقصة دينا.. عمري ما رقصت عشان الفلوس
تحدثت الراقصة دينا، عن تفاصيل حياتها الشخصية وبدايتها واحترافها الرقص الشرقي، مشيرة إلى أنها لم تمتهن الرقص من أجل المال، خاصة أن عائلتها مرموقة على حد قولها.
ونعرض لكم أبزر تصريحات الراقصة دينا من إجابتها على أسئلة متابعيها عبر حسابها الشخصي بموقع تبادل الصور والفيديوهات إنستجرام، خلال السطور التالية:
- اتعلمت الرقص الشرقي من عمر 9 سنوات، المدرسة اللي كنت بدرس فيها كان فيها رقص ومزيكا.
- الراقصة أوكسانا تلميذتي جبتها ضمن الـ 27 راقصة اللي جبتهم من بره.
- عملت عملية الغضروف في مناخيري وأنا شكلي متغيرش.
- اتولدت في إيطاليا وأعتبرها بلدي الثانية.. ومعنديش جنسيات أخرى بخلاف المصرية.
- معنديش طباخة وبحب أطبخ في البيت.
- بطلت سجاير بسبب إصابتي بكورونا واستبدلتها بالسجائر الإلكترونية.
- عمري ما رقصت عشان الفلوس لأني من عيلة كويسة مش محتاجة فلوس.
- الحب الأول لا يمكن يتنسي لأنك بتعملي فيه أول كل حاجة وأول مسكة إيد.
- الفن اللي بقدمه إغراء للي عايز يعتبره إغراء وفن للي عايز يتفرج على الفن.
- لا أفكر في اعتزال الرقص نهائيا وحتى لو بطلت اللايف هفضل أدرب البنات على الرقص.
الراقصة دينا
وعلى جانب آخر، سبق أن كشفت الراقصة دينا، أكثر ما تخاف منه، وقالت لـ القاهرة 24: أنا بخاف من الحسد ومش بهتم بالسوشيال ميديا إطلاقًا وكل مواقع التواصل الاجتماعي علاقتي بها ضعيفة وعندي ناس متخصصة للحاجات دي، وسنة 2022 لطيفة وعدت بشكل جميل عقبال السنة الجاية، ورفضت دينا الكشف عن أجرها في حفلات رأس السنة، وتركت اللقاء فور سؤالها عنه.
