أيمن بهجت قمر: أنا شاعر على الله بلا نقابة ولا معاش
أعرب الشاعر الغنائي أيمن بهجت قمر عن استيائه من عدم تأسيس نقابة خاصة للشعراء، مؤكدًا أن الشعراء يعانون من هذا الأمر، ويشعرون بأن حياتهم مهددة دائمًا بسبب عدم وجود نقابة لهم مثل نقابة الموسيقيين أو المهن التمثيلية.
وتحدث أيمن بهجت قمر، عن هذا الأمر خلال ندوته في القاهرة 24، إذ قال: أنا لوحدي وشاعر على الله، بلا نقابة ولا معاش ولا أي حاجة ضايعين، عملنا لجنة تأسيسية لنقابة الشعراء ومحدش سأل فينا، وأتمنى يهتموا بينا، لأن لو أي شاعر بيقع كده خلاص.
أيمن بهجت قمر: أنا بلا نقابة أو معاش
وأضاف أيمن بهجت قمر: إحنا بنقعد ندخل نقابة الموسيقيين في مشاكل هما ملهمش دعوة بيها، هي مال نقابة الموسيقيين بـ أشرب خمور وحشيش، هو مش جهة رقابية هو مالوش علاقه بالكلمة، هو ليه علاقة بالمصنف فقط دي شغلته، النقابة لها دور مهم في موضوع الكلام اللي بينزل، لكن لازم يبقى فيه كبير للحكاية، يبقى في نقابة الكلمة وأسس من البداية يتم تأسيسها ويبقى في قانون وناس تسألهم، لو في نقابة للكلمة وللشاعر هتقدر توقف فلان وتغرمه، وأغاني المهرجانات دي كلها ليها علاقة بالكلمة.
أيمن بهجت قمر: مصطفى كامل بحس إني لازم أكون في ضهره
كما تطرق أيمن بهجت قمر للحديث عن مصطفى كامل، نقيب المهن الموسيقية، قائلا: مصطفى كامل نجح قبلي، وطول الوقت بحس إني لازم أكون في ضهره، لأنه إنسان أمين وراجل ومجتهد جدا وشاطر وفاهم الليلة، وبيعرف يتعامل، والنقابة كانت محتاجة حد زي مصطفى وأتمنى له التوفيق.
