الهزار قلب جد وضربني وحبسني.. ننفرد بنشر تحقيقات قضية عروس الإسماعيلية
شغلت قضية عروس الإسماعيلية الرأي العام في الأيام الماضية، بعد اتهام زوجها المعروف إعلاميا بعريس الإسماعيلية بالتعدي عليها، وإصابتها بكدمات في وجهها، واحتجازها داخل شقة شقيقه لمدة 15 يوم، حيث ألقت الأجهزة الأمنية القبض عليه وتمت إحالته للمحاكمة، وتأجلت أولى الجلسات لـ 23 أكتوبر.
قضية عروس الإسماعيلية
وينفرد القاهرة 24 بنشر نص التحقيقات في قضية عروس الإسماعيلية، حيث كشفت التحريات الأمنية ورود بلاغ من المدعوة مها محمد عمران لتضررها من زوجها عبدالله أحمد مصطفى لقيامه بالتعدي عليها بالسب والشتم والضرب وإحداث إصابتها.
وأضافت أن الواقعة حدثت من حوالي أسبوعين بمسكن الزوجية، وبسؤالها عن عدم إبلاغها في حينه قررت أن زوجها قام بمنعها من النزول من شقه شقيقه لتحرير محضر بالواقعة، ومرفق تقرير طبي للشاكية يفيد بوجود نزيف تحت ملتحمة العين اليسرى وكدمة بالعين اليسرى وكدمة بالجبهة وأعيد فتح المحضر بتاريخ 9 أكتوبر 2022، حيث تم استدعاء المشكو في حقه وبسؤاله اعترف بارتكابه الواقعة، وعلل بذلك وجود خلافات زوجية فيما بينهما.
واستدعت جهات التحقيق عروس الإسماعيلية، وتدعى مها تبلغ 20 سنة تعمل ربة منزل، وقالت: اللى حصل إن أنا قاعده مع جوزي عبدالله بشقتي في بيت عيلة، وكنا قاعدين بنتكلم ونهزر مع بعض وبعدين الهزار قلب جد وهو ضربني على وشي واداني بوکس في عيني الشمال ونزل عليا ضرب وبعدين أنا لما اتعورت حاولت أنزل وطلعت في الشارع وبعدين هو مسکنی ودخلني جوه البيت ودخلني في شقة أخوه مروان في الدور الأول، وحبسني هناك 15 يوم، وكان كل يوم بيضربني لما كان بييجي هو ومروان أخوه.
وتابعت عروس الإسماعيلية في التحقيقات: بالصدفة والدي كان جاي يزورني فأنا سمعت صوته في الشارع وهو بينادى على عبدالله، فأنا طلعت من الشباك وقلتله الحقني فقالي فيه إيه؟ فقلتله عبدالله حبسنی وضربنی وبهدلني وحاجزني في البيت ومش عايزني أنزل، فراح والدي راح القسم عشان يبلغ، واتواصلنا مع واحدة عارفينها، وهي جاتلی عند البيت وقالتلي انتي عايزة تتصالحي مع جوزك واللا تتطلقي؟، فقلتلها أنا عايزة أطلق وعايزة أنزل من هنا، وهي اتفقت معاهم إن أنا أنزل أروح بيت أهلي وجوزي وافق ونزل وصلني لحد العربية، ورحت على بيت والدي وتاني يوم أنا روحت القسم عشان أعمل محضر، وعرفت هناك إنه عامل فيا محضر إني نزلت من البيت بدون علمه، وسرقت حاجات بتاعته وأخدت الدهب وهو ده كل اللى حصل.
