بعد تصدرها تريند تويتر.. سيلين طفلة الضمور العضلي تجمع 14 مليون جنيه لشراء الحقنة الأغلى في العالم
قالت رضوى حمدي، والدة الطفلة سيلين أيمن، المصابة بالضمور العضلي الشوكي، إنه تم جمع 14 مليون جنيه، من خلال حملة التبرع، لشراء الحقنة الأغلى في العالم، وجاء ذلك بعد تصدر اسم الطفلة تريند تويتر.
سيلين تجمع 14 مليون جينه
وأضافت خلال منشور عبر الفيس بوك: الحمد لله يارب، طلعة تويتر زودت التبرعات أكثر من 2 مليون جنيه في 48 ساعة.
وتابعت الأم: وصلنا بفضل ربنا ثم تبرعاتكم 14،300،000، وبكده حجم التبرع بقى 35%، من إجمالي الحقنة، منوهة: لكن في تخوف رهيب بسبب سعر الدولار وارتفاعه الملحوظ اللي ممكن يزود سعر الحقنة.
واستكملت: شاركوا معانا في الهاشتاج، على تويتر عشان منوصلش للمرحلة اللي أنا مرعوبة منه.
أخر التطورات الصحية لسيلين
وفي وقت سابق، كشفت رضوى حمدي، أخر التطورات الصحية، لطفلتها سيلين، قائلة: إن حالتها الصحية تدهورت بشدة، وهي في حاجة شديدة للحصول على الحقنة الأغلى في العالم.
وأضافت والدة الطفلة في تصريحات خاصة لـ القاهرة 24: تعبت أوي إمبارح الصبح، وجالها التهاب رئوي، واحتجزت كام ساعة في المستشفى، وفضلت على جهاز تنفس.
وتابعت رضوى: مكنتش عارفة تتنفس لأن المرض بيأثر على التنفس بشكل كبير، وضهرها هو السبب، لأن ضهرها بقى متقوس، وده مأثر على الرئة.
وواصلت والدة الطفلة سيلين: عشان كل ده يتعالج محتاجة الحقنة في أسرع وقت خلال الفترة دي بأسرع ما يمكن، عشان تتلحق، وسيلين بقى عندها سنة و3 شهور، وحالتها في تدهور مستمر.
