انتصار: التوعية الجنسية مهمة في المدارس.. واللي بيقتل واحدة بيحبها مش مجرم
كشفت الفنانة انتصار عن رأيها في التوعية الجنسية للأطفال في المدارس، بجانب الحديث عن انتشار جرائم القتل في الآونة الأخيرة.
وقالت انتصار في تصريحات تلفزيونية: التربية الجنسية في المدارس مهمة جدا، عشان الأطفال مايطلعوش لما يكبروا يقتلوا بعض وهما في الجامعة، أو يغتصبوا بعض والبنت تبقى هبلة أو هو مش فاهم.
وواصلت انتصار: لازم نوعي الطفل ونفهمه الثقافة الجنسية وحدود العلاقة مع الطرف الآخر، عشان متحصلش صدمة مع أول واحدة تقول له لأ فيدبحها.
وأضافت انتصار: أنا حكيت لابني كل حاجة من ابتدائي لدرجة أن مدرس جالهم في المدرسة يكلمهم عن الثقافة الجنسية وسأل مين عارف الكلام دا، وابني رفع إيده وقال له مامتي حاكتلي كل حاجة.
وعلقت انتصار على جرائم القتل المنتشرة مؤخرًا، قائلة: اللي بيقتل واحدة حبها مش مريض نفسيا لكن هو غير ناضج عاطفيا، وحصلت له صدمة مع أول واحدة رفضته، لكن هو مش مجرم.. لو كان ناضجا عاطفيا كان عرف إنه مش فتى أحلامها وكان زمانه تخطى الرفض.
ومن ناحية أخرى، سبق وكشفت انتصار حقيقة تصريحاتها حول مشاهدة الأفلام الإباحية، قائلة: أنا مقلتش إني بشوف أفلام إباحية.. ولكني كلامي اتفهم غلط ومحدش فكر يجتهد ويقول هاتوا نشوف الفيديو قالت إيه.. ودا لأني مادة مثيرة للجدل وصريحة وواضحة ومختلفة، وناس كتير عايزين يطلعوا على أكتافي.
