زوج بوسي: علمَت بوفاة والدها بعدها بيومين.. ومستعدة لسداد جميع ديونه
كشف مصفف الشعر هشام ربيع، زوج المطربة بوسي تفاصيل علاقتها مع والدها قبل وفاته، مؤكدا أنها كانت تتصل به يوميا.
بوسي تصالحت مع والدها قبل وفاته
وقال هشام ربيع في مداخلة هاتفية مع الإعلامية بسمة وهبة، مقدمة برنامج 90 دقيقة: فيه حد بيقول إن ربنا غضبان على بوسي عشان خلافاتها مع والدها، لكن لو الشخص ده تابع هيلاقي إن بوسي بتكلم والدها شبه يوميا، ومتصالحين قبل العيد الكبير، والدنيا ماشية بخير، لكن لما والدها توفى عرفت بعدها بيومين، في ناس في عائلتها لا يحبونها ولا يتمنون الخير لها.
وواصل هشام ربيع: المشكلة إن بوسي مطربة مشهورة وده بيخلي الناس تتابع أخبارها، ومش عارف ليه الناس شاغلة نفسها بيها ليه، المشكلة إن بوسي مش بتطلع ولا بتواجه، وهي شايفة ده ميزة، رغم إنها بتنهار.. اتصلت بناس في العائلة وقالت إنها مستعدة لسداد ديون والدها إن وجدت، وبعتتت لوالدها حاجة كبيرة جدا في عيد الأضحى.
كما تطرق هشام ربيع للحديث عن زوجته الأولى والشائعات التي طالته حول طلاقه من بوسي، قائلا: زوجتي الأولى هي أم أولادي منذ 15 عاما، لها قدر كبير من الحب والاحترام في قلبي، اللي بيضايقني إن الناس اللي قاعدة على مكاتبها ومش بتتحرى الأخبار بيقولوا كلام ملهوش أساس من الصحة.
كما سبق ونفى هشام ربيع في تصريحات سابقة لـ القاهرة 24 طلاقه من بوسي، مشيرا إلى أنه عاد لزوجته الأولى نظرًا لوجود أولاد وأطفال بينهم، كما أنها عشرة عمر، وهذا لا يعني أنه انفصل عن بوسي بل هي متقبلة تماما لوجود زوجته الأولى.
