صفية العمري: ماكناش بناخد فلوس وكنا بنصرف على مظهرنا.. وتمن البرنيطة في ليالي الحلمية بسعر حلقة
تحدثت الفنانة صفية العمري، عن بداية مشوارها الفني، مؤكدة أنها لم تكن تهتم بالمقابل المادي على الإطلاق، على الرغم من ضعف الأجور في تلك الفترة على حد قولها، وأن الفن كان الحياة بالنسبة لها.
وقالت صفية العمري، في تصريحات تلفزيونية: عملت مسلسل الأيام مع أحمد زكي في بداياتي، حتى مفكرتش وقتها مين اللي هيلبسنا، زي ما موجود النهاردة الفنان بيدخل معاه 7 وراه مبيجبش حتى المنديل من بيته.. إحنا مكناش بناخد فلوس خالص، يعني مبالغ ضئيلة جدًا، وكنا بنصرف على مظهرنا، يعني لبس الهوانم كله والحلمية أنا جبته على حسابي، تمن البرنيطة بس بسعر حلقة، مكناش بنفكر هنقبض كام لأنه كان الفن بالنسبة لنا هو الحياة.
كما طالبت الفنانة صفية العمري، بحصول الفنانيين على مقابل مادي، نظير عرض أعمالهم على القنوات التلفزيونية، قائلة: إحنا الفنانيين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم، العالم كله بيدفع للفنان، المنتجين مش هتدفع من جيوبها، لكن القنوات هي اللي مستفيدة لكن الفنان مش مستفيد بحاجة، للأسف النهاردة فيه فنانيين كتير مرضى، هل ينفع إن الدولة هي اللي تعالج الفنان؟ أنا غضبانة جدًا.
صفية العمري
وأشارت صفية العمري، إلى أن مسلسل هوانم جاردن سيتي، ساهم في تنشيط السياحة في مصر قائلة: أنا كنت قاعدة مع سيدات قالولي إحنا أول ما نزلنا مصر قولنا إحنا عايزين نروح جاردن سيتي علشان نشوف هوانم جاردن سيتي.
