أحمد سعد عن المطرب النقاش: كنت صبي نقاش زيه وأنا صغير ولكن هو أسطى
أشاد الفنان أحمد سعد، بموهبة المطرب النقاش أحمد سالم، الذي تصدر تريند مواقع التواصل الاجتماعي الفترة الماضية، بعد انتشار مقطع فيديو له أثناء ممارسة عمله وهو يغني، حيث أعجب مستخدموا مواقع التواصل الاجتماعي بصوته بشكل كبير.
وكشف أحمد سعد، في حواره مع الفنانة إسعاد يونس، في برنامجها صاحبة السعادة، عن الشئ المشترك بينه وبين أحمد سالم المطرب النقاش، قائلًا: سمعته واتبسطت جدًا من أدائه وفي حاجة بيني وبينه مشتركة، إني كنت نقاش وأنا صغير ولكن أنا كنت صبي وهو أسطى، كنت بصنفر بس، أحمد إن شاء الله متوقعله إنه مش هيلاقي وقت يعمل حاجة في بيتهم من كتر الشغل.
أحمد سعد
وعلى جانب آخر، أعرب الفنان أحمد سعد، وأكد أحمد سعد، امتنانه للجمهور الذي تقبله بألوان غنائية مختلفة، قائلًا: الجمهور استقبلني في حاجات عكس بعض، وده غريب جدًا، سواء غنيت شعبي أو رومانسي، اللي أنا عملته إني مخوفتش، أنا بحب الشعبي، والخوف هو أي أساس أي إبداع انتهى.
وأضاف: أنا بحب الشعبي جدًا، أنا اتربيت وسط ناس شعبيين وبحبهم وبحب الأغاني اللي بيسمعوها، والأغانية الشعبية في اتجاهي.
كما تحدث عن أغنية سايرينا يا دنيا، وكواليس تحضيراتها، قائلًا: أغنية سايرينا يا دنيا أول ما سمعتها حسيت إنها مش لوني وده اللي خلاني أتمسك بيها أكتر، ده مش أدائي في الغناء، وقولت أنا مواقف وعايز أعمل الأغنية دي، كلمت إيهاب إنه يجي يحجمني علشان الناس تغني ورايا، وبدأت أجيب ناس معايا في الأستوديو علشان لو غنيت حاجة زيادة تمسكني، يقولولي لأ خلينا سادة.
