ملخص إجابات شيرين على أسئلة جمهورها: معملتش تجميل.. وبموت في حمو بيكا
أجابت الفنانة شيرين عبد الوهاب على بعض أسألة المتابعين عبر حسابها الشخصي بموقع انستجرام، بعد أن نشرت ستوري تستقبل في أساله متابعينها، والتي كشفت عن عدم خضوعها لأي عمليات تجميل، وإنها لاتجيد اللغة الإنجليزية.
إجابات شيرين عبد الوهاب على أسئلة جمهورها
- معملتش عمليات تجميل.
- مفكرتش اتعرف على رجل ثاني بعد انفصالي.
- بؤمن بحكمة اتقي شر من أحسنت إليه.
- حابة أتأسف لـ نفسي على إني بتأثر بكل حاجة بتحصل حواليا.
- طموحي ملوش سقف ومن غير الطموح مش هكون شيرين.
- بحب الراب لأنه مختلف وزي الجاز ممكن يتقال فيه كل الأبعاد في المزيكا.
- لما بكون مضايقة ربنا اللي بيسمعني.
- مقدرش أعيش شايلة حاجة في قلبي وخراب البيوت بييجي من كتم الأسرار مش البوح بيها.
- اتمنى أغني بكل لغات الوطن العربي عشان هما ليهم فضل عليا.
- بموت في الأغاني الشعبي وحمو بيكا.
- بفرح لما بشوف فيديوهاتي القديمة وبفتكر نفسي بتاعت زمان وأحمد ربنا إني متغيرتش.
- مفكرتش أغني أجنبي لأني لا أجيد اللغة الأجنبية لو اتعلمت هغني.
- عايزة أولادي يكونوا كوادر في مجالات تانية غير الفن.
- نفسي أقابل الرئيس عبد الفتاح السيسي.
- بحب القراءة جدا وكتابي المفضل القرآن الكريم.
- أغنية غريبة الناس كانت ليا وراحت لفنان تاني ولو رجع بيا الزمن مش هفرط فيها.
- مثلي الأعلى سيدنا محمد صلى الله عليه وسلم.
- طيبتي بتأذيني كتير بس عمري ما هعرف أغيرها.
- لو في فرصة أواجه قلبي هقوله كفاية كده كفاية بقى.
- نصيحتي للشباب أتعلم تبقى راجل في كل المواقف حتى لو عندك 5 سنين.
- مبظهرش مع رامز عشان هو صاحبي وعارف طبعي وعارف إن ميتعملش معايا كده.
