شهيرة لـ منى زكي: أعملي الأدوار اللي الناس حبتك فيها.. ده قدرنا
كشفت الفنانة شهيرة عن رأيها بـ فيلم أصحاب ولا أعز، مشيرة إلى أنها مستاءة من الهجوم الحاد على الفيلم، كما وجهت نصيحة إلى الفنانة منى زكي.
وقالت شهيرة خلال مداخلة هاتفية مع برنامج 90 دقيقة مع الإعلامية بسمة وهبة المذاع عبر شاشة المحور: أنا شايفة أن الهجوم كان زيادة عن اللزوم وحتى لو الجمهور مش متقبل مشهد معين في الفيلم، بردو ميفعش كل الهجوم دا لأن منى زكي فنانة والمفروض تعمل كل حاجة.
وواصلت: والناس مش قادرة تفهم أن دي مجرد شخصية مش منى زكي في الحقيقة، وأنا معترضه على الهجوم وخصوصا على أحمد حلمي، ليه كدا؟ أنا في حالة ذهول لأنهم ثنائي جميل وقدموا أعمال عظيمة.
وأضافت شهيرة: كله قاعد ورا الشاشة وبيلطش، والنسخة الإيطالية من الفيلم وكانت كارثة والنسخة العربية ولا حاجة، والمشكلة أن كل شخص راسم صورة محددة للفنانة بشكل معين، ولو أتعرض عليا الفيلم هرفض لأني مش جريئة طول عمرين ومنى زكي فنانة جريئة.
شهيرة توجه نصيحة لـ منى زكي
ووجهت شهيرة نصيحة لـ منى زكي، قائلة: بصي يا منى أنتي فنانة جميلة وليكي أدوارك اللي الناس حبتك فيها، وشوفي الناس حباكي في إيه وأعمليه، لأن دا قدرنا بنمشي حسب الناس للأسف، صحيح الفنان لازم يعمل كل حاجة بس لازم نخلي بالنا والأدوار دي مش ضرورية.
