الرئيس السيسي: أوجه بإتاحة تمويل منخفض التكلفة للمستثمرين
قال الرئيس عبد الفتاح السيسي إن الدولة توفر جميع متطلبات الاستثمار لاختصار الوقت في التنمية والتيسير على المستثمرين، مضيفا: مستعدون لزيادة الدعم المقدم للمشروعات بالمجمعات الصناعية في حال كان تأثيرها في الناتج المحلي إيجابيًا.
وأكد الرئيس، خلال افتتاح عدد من المشروعات في الصعيد: كل يوم بلاقي مصانع دون تراخيص ويتم تحرير محاضر لها، لكن هذه المصانع بها ناس عايزة تشتغل، طيب ما أنا أشرعنة وأخليه مظبوط، والقضية بتتعمل عشان هو مخالف، وأقول له تعالى اعمل الصح.
تطوير المجمعات الصناعية
وتابع السيسي: لو انتوا عندكم مصانع في القاهرة، طيب ايه أقرب منطقة صناعية ليها، وممكن أقوله تعالى خش المكان ده وأقنن له وضعه ويشتغل ويفتتح مصانع، أنا مش عايز أستجدي ضرايب ومش عايز حد مننا يغلط ومش بنصيد الغلط، وبقول للمستثمر أنت حاولت، حتى لو حاولت غلط إحنا معاك، لكن مش معاك تعمل غلط.
وقال الرئيس: إن هناك عددا كبيرا من المصانع التي تحتاج لتطوير، ومش عايز آخد حد أعمل له قضية، وتبقى حاجة حلوة وأنا هكون مع المصنع، وبقول الكلام ده عشان وزير الداخلية ميقبضش عليه، وتيجي تخش السوق ونشتغل سوى ونوفر لك مكان.
وقالت نيفين جامع، وزيرة التجارة والصناعة، خلال افتتاح عدد من المشروعات في الصعيد، إن خطة عمل الوزارة في الصعيد، جاءت باستهداف تعميق التصنيع المحلي، وتوفير التمويل وبرامج التدريب المهني، والاستعانة بمبادرة الرئيس السيسي لتنمية الصعيد.
