إيمان الحصري: خضعت لـ 7 عمليات جراحية في 21 يوما فقط
كشفت الإعلامية إيمان الحصري تفاصيل فترة مرضها الماضية التي استغرقت 7 أشهر، واضطرت على أثرها السفر خارج البلاد لمتابعة رحلة العلاج.
وقالت إيمان الحصري خلال حوارها مع الفنانة والمنتجة إسعاد يونس، في برنامج صاحبة السعادة، المذاع عبر شاشة قناة dmc: بشكرك على الكلام اللي قولتيه ومبسوطة إني شوفتك تاني، لأني فجأة لقيت حياتي اتشقلبت، وكنت حاسة إن ده كابوس وهصحى بعدين أحكيه.
وأضافت إيمان الحصري: كان عندي مشكلة وعملت العملية على أساس إني هخرج عادي بعدها، ولكن حصلي خطأ طبي، وكمان كان طريقة التعامل مع حالتي غلط، أدت لوجود أخطاء كتيرة أوي.
وتابعت إيمان الحصري: عملت 7 عمليات في 21 يوم وكنت باخد بينج كلي، وفي كل مرة بطلع من العمليات الوضع كان بيسوء أكتر، ومفيش تحسن، وأهلي كانوا خايفين على جدًا، وسابوا بيوتهم وشغلهم وكانوا معايا لأني دخلت في العناية المركزة وزي ما بنقول إنهم تحت رجلي، لدرجة إنهم كانوا بيباتوا في العربيات قدام المستشفى عشان مايسبونيش لوحدي.
