زوجتي عارفة اللي بعمله.. 12 رسالة مثيرة للجدل لمحلل الزواج خلال لقائه عبر القاهرة 24
حل محمد الملاح، يعمل محللًا شرعيًا -حسب وصفه-، ضيفًا عبر القاهرة 24، ليكشف تفاصيل الهجوم الذي تعرض له، بالإضافة إلى تصريحاته التي أثارت الجدل حول زواجه 33 مرة من أجل إعادة الزوجات إلى أزواجهن بعد أن طلّقن ثلاث مرات.
وننشر أهم رسائل محمد الملاح في لقائه عبر القاهرة 24..
1-أنا راجل محاسب قانوني، ومش دي شغلتي.
2-ليس لدي صفحات على فيسبوك.. ومراتي عارفة إني اتجوزت 33 مرة.
3-شغلي زي اللي بيعالج بـ القرآن.
4-الناس بتحب تنتقد الموضوع ده، وهناك حالات طلاق كثيرة في مصر.
5-تعرضت لهجوم عنيف عقب تصريحاتي الأخيرة.
6-بعمل الموضوع دا لله فقط دون أجر، وأتحدى حد يقولي إني أخذت مقابل.
7-أسرتي عارفة اللي بعمله.
8- أقول للناس اللي هاجمتني اتفرجوا على محاكم الأسرة.
9-لما دار الإفتاء تقولي أوقف ده هوقف ده وهستغفر ربنا وهكفر عن اللي عملته.
10-أنا بجمع الأسر مش بفرق، ودون مقابل أنا مش باخد فلوس من حد، وربنا عارف نيتي.
11-الزواج اللي بيحصل معي على سنة الله ورسوله.
12-أنا محلل عشان أحل مشاكل الناس، وكله لله.
وعلقت دار الإفتاء المصرية على إعلان مواطن أنه تزوج 33 مرة من أجل إعادة الزوجات إلى أزواجهن، مؤكدة أن الزواج بقصد التحليل يعتبر زواجًا غير صحيح شرعًا.
