في ذكرى الرحيل.. مراثي الزعيم جمال عبد الناصر

رحل عن عالمنا في مثل هذا اليوم الزعيم المصري الكبير، وقائد ثورة 1952، ورئيس الجمهورية السابق، جمال عبد الناصر، في 28 سبتمبر من العام 1970، وقد أحدثت وفاته صدمة كبيرة في المجتمع المصري، وأقبل الشعراء يتبارون في رثائه، فكتبت فيه مئات القصائد، من أهم وأشهر شعراء عصره، حتى من الذين اختلفوا معه، فهم اختلفوا فكريًا وسياسيًا، لكنهم يعرفون جيدًا أنهم فقدوا زعيمًا لن يجود به الزمن إلا بعد حين.

رثته السيدة أم كلثوم في أغنية نادرة، من كلمات نزار قباني، تقول فيها «زعيمنا.. حبيبنا.. قائدنا عندي خطاب عاجل إليك من أرض مصر الطيبة من الملايين التي تيمها هواك من الملايين التي تريد أن تراك عندي خطاب عاجل إليك لكنني لا أجد الكلام الصبر لا صبر له والنوم لا ينام»

رثاء الشاعر المصري الكبير عبد الرحمن الأبنودي | مواويل وتناتيش للذكرى

يقول:

أنا باشكر اللى خلق لى الصوت وأوصاني

أقول كلام حُرّ.. مايقبلْش لون تاني

مااسكتش ع الضِّيم واهشّ الغيم بقولة "آه"

وإن سرقوا صوتي.. بينسوا ياخدوا قولة "آه"

فى الفرْح فى الجرح إيه حيلتى إلاّ قولِة "آه"

يحميك يا ولدى وكنت اسكت وتتكلم

يحميك يا ولدى واكون مجروح وتتألم

ياما حرسْت النهار.. آدى النهار.. ضلِّم

وإن شفت جرح الوطن جوّه الفؤاد علم

تقول كلام.. ياسلام.. يحيينى من تاني!!

أنا كان لى ورْدات عجب.. كبّرتها بايدي

أسقيها بالدمع بالدم اللى فى وريدي

جانى غشيم القدم وداس على ورودي

أخدم جناينى فى بستانى يا ناس إزاي؟

وإن نمت ناسى باقوم فاكر يا ناس إزاي؟

مين مرّر الشاى فى شفايفى وبكى الناي؟

ياليل يابو الهمّ.. تحتك دم.. ما تحاسب

وقوللّى إمتى يا ليل.. وفين حنتحاسب؟

إزاى بلادى تبات ليلة مع الغاصب

وإزاى يدوس وردها.. واقولّه: "ياسيدي؟!

مدّ الأمل سِكِّتُه.. وقالِّنا: "سيروا

نصيبكو حيصيبكوا تمشوا والاَّ حتطيروا

عيشوا النهارده الزمن.. بكره زمن غيره

آدى أول السكة صوت الضحكة بيلالي

والشمس أمشيلها ألاقيها اللى ما شيالي

ولا حدّ يقدر يعكّر قلبنا الخالي

لكن ومين بكرة يعرف إحنا فين فيها؟

هيه حتدينا والا احنا حندّيها؟

وإيه نصيبنا من الأيام ولياليها؟

غاب الزمن فى الزمن.. واحنا بِلا عزوة

ولا نملك الا نماشى السكة ونسيروا"!!

ويا مصْر وان خيرونى ما اسكن الاَّكي

ولاجْل تتبِّسمي.. يا ما بابات باكي

تسقينى كاس المرار.. وبرضُه باهواكي

بلدى ومالى الّا إنتى ولو ظلمتيني..

مقبولة منِّك جراح قلبى وْدموع عيني

الجرح يشْفَى إذا بإيدك لمستيني..

كلّك حلاوَة.. وكلمة "مصر".. أحلاكي!!

التّناتيش

من يمدحُه يطلع خاسر

ويشبَّروله.. أيامه

يعيش جمال عبدالناصر

يعيش بصوته وأحلامه فى قلوب شعوب عبدالناصر

ــــــــــــــــــــــــــــــــ

مش ناصرى ولا كنت ف يوم

بالذات فى زمنه وف حينه

لكن العفن وفساد القوم

نسّانى حتى زنازينه.. فى سجون عبدالناصر

ــــــــــــــــــــــــــــــ

إزاى ينسّينا الحاضر..

طعم الأصالة اللى فى صوته؟

يعيش جمال عبدالناصر

يعيش جمال حتى ف موتُه ما هو مات وعاش عبدالناصر!!

ــــــــــــــــــــــــــــــ

اسمه جمال وجميل فعلًا

ياما شفنا شجعان خوّافه

عظيم.. وكان إنسان طبعًا

المجد مش شغل صحافة علشان ده عاش عبدالناصر

ــــــــــــــــــــــــــــــ

أعداؤه كرهوه ودى نعمة

مِن كرهُه أعداؤه صادق

فى قلبه كان حاضن أمَّه

ضمير وهمَّة ومبادئ ساكنين فى صوت عبدالناصر

ملامحنا.. رجعت بعد غياب

دلوقت بس اللى فهمناه

لا كان حرامى ولا كداب

ولا نهبها مع اللى معاه أنا باحكى عن عبدالناصر

عشنا الحياة وياه كالحلم

فلا فساد ولا رهن بلاد

يومها انتشينا ثقافة وعلم

وف زمنه ماعشناش آحاد كنا جموع فى زمن ناصر

كان الأمل فى خُضرِتُه بِكْر

مافيش لصوص للقوت والمال

ومصر أبطال ورجال فكر

ومثقفين ستات ورجِال جيوش جمال عبدالناصر

ــــــــــــــــــــــــــــــ

كان الهلال فى قلبه صليب

ولا شفنا حزازات فى بلادنا

ولا شُفنا ديب بيطارد ديب

ولا جرَس خاصم مادنة وَحَّدْنا صُوت عبدالناصر

ــــــــــــــــــــــــــــــ

دفعنا تمن الحرية

بدمّ مش بدينار ودولار

يوم وقفته فى "المنشية"

خلّى الرصاص يهرب من عار أعداء جمال عبدالناصر

ــــــــــــــــــــــــــــــ

رغم الحصار كنا أحرار

وفى الهزيمة الشعب ماجعْش

كان اسمها "بلد الثوار"

وقرار زعيمها مابيرجعْش قرار جمال عبدالناصر

ــــــــــــــــــــــــــــــ

خلَّى بلادُه.. أعزّ بلاد

ليها احترام فى الكون مخصوص

لا شفنا وسط رجالُه فساد

ولا خطط سمسرة ولصوص كان الجميع عبدالناصر

ــــــــــــــــــــــــــــــ

لولاه ماكنتوا اتعلمتوا

ولا بقيتوا "دراكولا"

ياللى انتو زعما وإنجازكو

دخّلتوا مصر الكوكاكولا وبتشتموا ف عبدالناصر

ــــــــــــــــــــــــــــــ

عمره ما جاع فى زمانه فقير

أو مالتقاش دوا للعِلّة

دلوقت لعبةْ "اخطف طير"

والأمة فى خِدْمةْ شِلَّة تكره جمال عبدالناصر

ــــــــــــــــــــــــــــــ

يتّريقوا على طوابيرُه

علشان فراخ الجمعية

شوفوا غيره دلوقت وخيرُه

حتى الرغيف بقى أمنية يرحم جمال عبدالناصر!!

ــــــــــــــــــــــــــــــ

فيه ناس بتنهب وتسوِّف

لا يهمّها من عاش أو مات

ورضا العدو عنّا يخِوِّف

معناه أكيد إننا قَفَوات من يوم مامات عبدالناصر!!

ــــــــــــــــــــــــــــــ

الأرض رجْعت للإقطاع

وقالوا: "رجعت لصْحابها"

وصاحبَك الفلاح تانى ضاع

ضاعْت العقود واللى كتبها وخط إيد عبدالناصر!

أنا أذكُرك من غير ذكري

والناس بتفتكرك بخشوع

الأمس واليوم ده وبكره

يبكوك بعظمة مش بدموع يكفَى نقول: "عبدالناصر"

دلوقت رجعوا الفقرا خلاص

سكنوا جحورهم من تاني

رحل معاك زمن الإخلاص

وِجِهْ زمن غير إنسانى ماهوش زمن عبدالناصر!!

صحينا على زمن الألغاز

يحكمنا فيه "أهل الأعمال"

وللعدو.. صدّرنا الغاز

بفرحة وبكل استهبال نكاية فى عبدالناصر!

بنمدها بغاز الأجيال

تحويشةِ الزمن القادم

إتوحَّشوا فْ جمع الأموال

ورجعْنا سادة.. وخوادم ضد اتجاه عبدالناصر

يا جمال.. نجيب زيك من فين

يا نار.. يا ثورة.. يا ندهِةْ ناي..

البوسطجي.. إللى اسمه "حسين"

- أبوك - منين جابك؟ وإزاي.. عمل جمال عبدالناصر؟!

ــــــــــــــــــــــــــــــ

لو حاكتبك.. ما تساع أقلام

ولا كلام غالى وأوراق

الأمر وما فيه.. أنا مشتاق

فقُلتْ أمسِّى عليك وأنام نومةْ جمال عبدالناصر!!

ــــــــــــــــــــــــــــــ

وألْف رحمة على اللى لِسَّه "قُلْنا وقال".

اللى مَضَى وذمِّته.. مَثَل جميل.. يتقال.

ما هي نادْرة في مصر حاكم.. يطلع ابن حلال

حاكم.. يِدادى الجميع.. ويبوسْ رقيق الحال.

وده عِشْقِتُه: فلاحين.. طلَبة.. جنود.. عُمّال.

وخاض معارك جِسام.. مين طلّع الاحتلال..؟

مين اللى صحَّى الشعوب.. تكسَّر الأغلال؟

ويْبُخُّوا أكاذيب فى سيرتُه يسمِّموا الأجيال.

من بعد ما شفنا غيرُه.. فهمنا عهد ـ جمال.

ــــــــــــــــــــــــــــــ

لماذا ألغت ثورة يوليو الألقاب المدنية في مصر؟

ما هي حقيقة الخلاف بين عبد الناصر ومحمد نجيب؟ هيكل يجيب

رثاء والد الشعراء فؤاد حداد | مين اللي أكبر مقامك في قلوب الناس

يا حضن مصري يا طلعة الفجر يا ريس

مع السلامة يا والد يا أحن شهيد

آدي الرقابي ودي الأعلام بتتنكس

فين طلتك في الدقايق تسبق المواعيد

والإبتسامه اللي أحلي من السلام بالإيد

يا معانا في كل فرحة ومعرك وجديد

أومر لي بحقوقي وهدوم العيال في العيد

والمجانيه ومرايل بيضا والناشيد

والصبر ميغلبهوش الذل والتنهيد

فرقت ورقك وقلت الكل يكتب لي

من البحيرة من الشرقية من قبلي

أنا خفت لو أم تنده وتلاقيني بعيد

ياما السفر والبريد ياما الأمل بدري

ياما الغلابه تريد منشيه البكري

ياما قلبك خفق من رحمته وضناه

كل الآهات شعب واحد يا حبيب الله

يا صادق العقل وأكتاف الفواعليه

صدر الشهامه اللي أكبر منها حنيه

نسيتنا أيام ما كانت راسنا محنيه

آدي المدارس ودي الشوارع ودي العمال

والفلاحين الآحبه آمتك يا جمال

دوام علي الحق يا كبير العرب دوام

عشر ليالي بضحاها وأنت مش نايم

خلينا نعلي بحناجر تطلبك ودموع

يا قوة الشعب يا قلب الوطن مسموع

يا رؤيه الذاكرة يا واحد الجماهير

صوتك نبع من نبات نادي شرف وضمير

من ملحمة ومن دموع زي النهاردة كتير

خليني أسال دموعي قبل ما كتبها

واسمك يدور في المناره خالد الإحساس

مين اللي اكبر مقامك في قلوب الناس

والا مقامهم في قلبك

ــــــــــــــــــــــــــــــ

رثاء أحمد فؤاد نجم | السكه مفروشه تيجان الفل والنرجس

السكه مفروشه تيجان الفل والنرجس

والقبه صهوة فرس عليها الخضر بيبرجس

والمشربيه عرايس بتبكى والبكى مشروع

من دا اللى نايم وساكت

و السكات مسموع

سيدنا الحسين؟

ولا صلاح الدين ولا النبى

ولا الإمام؟

دستور يا حراس المقام ولا الكلام بالشكل دا ممنوع؟

على العموم

أنا مش ضليع فى علوم الانضباط

أبويا كان مسلم صحيح

وكان غبى

وكان يصلى ع النبى

عند الغضب والانبساط

أبويا كان فلاح تعيس

فى ليله ضلمه خلفوه

وف خرقه سودا لفلفوه

وف عيشه غبرا

طلعوه

وعشه مايله سكنوه

ولصموه

وطلسموه

ودجنوه

وجهزوه

وجوزوه على عماه

فكان محير فى هواه ما بين أمى والجاموسة

وكان يخاف يقتل ناموسه

وكان خجول خجول

خجول

وكان دايما يقول استغفر الله العظيم من باب الاحتياط

أبويا طلعتوه حمار فكان طبيعى يجيبنى جحش

لا أعرف نبى من أجنبى

ولا مين ما جاش ولا مين ما رحش

موسى نبى

عيسى نبى

كمان محمد كان نبى

ويا قلبى صلى ع النبى

وكلنا نحب النبى

وكل وقت وله أدان

وكل عصر وله نبى

وإحنا نبينا كده

من ضلعنا نابت

لا من سماهم وقع

ولا من مرا شابت

ولا انخسف له القمر

ولا النجوم غابت

أبوه صعيدى وفهم قام طلعه ظابط

ظبط على قدنا وع المزاج ظابط

فاجومى من جنسنا

ما لوش مرا عابت

فلاح قليل الحيا

إذا الكلاب سابت

ولا يطاطيش للعدا

مهما السهام صابت

عمل حاجات معجزة وحاجات كتير خابت

وعاش ومات وسطنا

على طبعنا ثابت

وان كان جرح قلبنا كل الجراح طابت

ولا يطولوه العدا

مهما الأمور

جابت

ــــــــــــــــــــــــــــــ

رثاء نزار قباني | قتلناكَ.. يا آخرَ الأنبياءْ

قتلناكَ.. يا آخرَ الأنبياءْ

قتلناكَ..

ليسَ جديدًا علينا

اغتيالُ الصحابةِ والأولياءْ

فكم من رسولٍ قتلنا..

وكم من إمامٍ..

ذبحناهُ وهوَ يصلّي صلاةَ العشاءْ

فتاريخُنا كلّهُ محنةٌ

وأيامُنا كلُّها كربلاءْ..

ــــــــــــــــــــــــــــــ

نزلتَ علينا كتابًا جميلًا

ولكننا لا نجيدُ القراءهْ..

وسافرتَ فينا لأرضِ البراءهْ

ــــــــــــــــــــــــــــــ

ولكننا.. ما قبلنا الرحيلا..

تركناكَ في شمسِ سيناءَ وحدكْ..

تكلّمُ ربكَ في الطورِ وحدكْ

وتعرى..

وتشقى..

وتعطشُ وحدكْ..

ونحنُ هنا نجلسُ القرفصاءْ

نبيعُ الشعاراتِ للأغبياءْ

ونحشو الجماهيرَ تبنًا وقشًا

ونتركهم يعلكونَ الهواءْ

ــــــــــــــــــــــــــــــ

قتلناكَ..

يا جبلَ الكبرياءْ

وآخرَ قنديلِ زيتٍ..

يضيءُ لنا في ليالي الشتاءْ

وآخرَ سيفٍ من القادسيهْ

قتلناكَ نحنُ بكلتا يدينا

وقُلنا المنيَّهْ

لماذا قبلتَ المجيءَ إلينا؟

فمثلُكَ كانَ كثيرًا علينا..

سقيناكَ سُمَّ العروبةِ حتى شبعتْ..

رميناكَ في نارِ عمَّانَ حتى احترقتْ

أريناكَ غدرَ العروبةِ حتى كفرتْ

لماذا ظهرتَ بأرضِ النفاقْ..

لماذا ظهرتْ؟

فنحنُ شعوبٌ من الجاهليهْ

ونحنُ التقلّبُ..

نحنُ التذبذبُ..

والباطنيّهْ..

نُبايعُ أربابنا في الصباح..

ونأكلُهم حينَ تأتي العشيّهْ..

ــــــــــــــــــــــــــــــ

قتلناكَ..

يا حُبّنا وهوانا

وكنتَ الصديقَ، وكنتَ الصدوقَ،

وكنتَ أبانا..

وحينَ غسلنا يدينا.. اكتشفنا

بأنّا قتلنا مُنانا..

وأنَّ دماءكَ فوقَ الوسادةِ..

كانتْ دِمانا

نفضتَ غبارَ الدراويشِ عنّا..

أعدتَ إلينا صِبانا

وسافرتَ فينا إلى المستحيل

وعلمتنا الزهوَ والعنفوانا..

ولكننا

حينَ طالَ المسيرُ علينا

وطالتْ أظافرُنا ولحانا

قتلنا الحصانا..

فتبّتْ يدانا..

فتبّتْ يدانا..

أتينا إليكَ بعاهاتنا..

وأحقادِنا.. وانحرافاتنا..

إلى أن ذبحنكَ ذبحًا

بسيفِ أسانا

فليتكَ في أرضِنا ما ظهرتَ..

وليتكَ كنتَ نبيَّ سِوانا…

ــــــــــــــــــــــــــــــ

أبا خالدٍ.. يا قصيدةَ شعرٍ..

تقالُ.

فيخضرُّ منها المدادْ..

إلى أينَ؟

يا فارسَ الحُلمِ تمضي..

وما الشوطُ، حينَ يموتُ الجوادْ؟

إلى أينَ؟

كلُّ الأساطيرِ ماتتْ..

بموتكَ.. وانتحرتْ شهرزادْ

وراءَ الجنازةِ.. سارتْ قريشٌ

فهذا هشامٌ..

وهذا زيادْ..

وهذا يريقُ الدموعَ عليكْ

وخنجرهُ، تحتَ ثوبِ الحدادْ

وهذا يجاهدُ في نومهِ..

وفي الصحوِ..

يبكي عليهِ الجهادْ..

وهذا يحاولُ بعدكَ مُلكًا..

وبعدكَ..

كلُّ الملوكِ رمادْ..

وفودُ الخوارجِ.. جاءتْ جميعًا

لتنظمَ فيكَ..

ملاحمَ عشقٍ..

فمن كفَّروكَ..

ومَنْ خوَّنوكَ..

ومَن صلبوكَ ببابِ دمشقْ..

أُنادي عليكَ.. أبا خالدٍ

وأعرفُ أنّي أنادي بوادْ

وأعرفُ أنكَ لن تستجيبَ

وأنَّ الخوارقَ ليستْ تُعاد…

ــــــــــــــــــــــــــــــ

المقرأة.. قراءة في قصيدة «أنا» نازك الملائكة

اسمها كان عيدًا في فمي.. ريتا ومحمود درويش بين مجاز وحقيقة وعشق ممنوع

رثاء  صلاح عبد الصبور| الحلم والأغنية

لا.. لم يمت

وتظل أشتات الحديث ممزّقات فى الضمائر

غافيات فى السكينة

حتى تصير لها من الأحزان أجنحة

تطير بها كلامًا مرهقًا

يمضى ليلقفه الهواءُ

يرُدّه لترن فى جدرانه دور مدينة الموت الحزينةْ

أصوات أهليها الذين بنت بهم سرر البكاء

يتجمّعون على موائد السهر الفقير

معذبين ومطرقين

الدمع سقياهم وخبزهم التأوُّه والأنين

يلقون ـ بين الدمعتين ـ زفير أسئلة

تُخشخش مثل أوراق الخريف الذابلات

هل مات من وهب الحياة حياته

حقًّا أمات؟

تتجمع الكلمات حول اسمٍ سرى كالنبض فى شريانهم

عشرين عامًا

كان الملاذ لهم من الليل البهيم

وكان تعويذ السقيم

وكان حلم مضاجع المرضى

وأغنية المسافر فى الظلام

وكان مفتاح المدينة للفقير يذوده حرس المدينة عن حِماها

وكان موسم نيلها

يأتى فينثر ألف خيط من خيوط الخصب تورق فى رباها

وكان من يحلو بذكر فعاله فى كل ليلة

للمرهقين النائمين بنصف ثوب.. نصف بطن

سمر المودّة والتغنِّى والتمنِّى والكلام

والآن أصبح كل لفظ خنجرًا

ولكل أمنية عذاب

هل مات.. واحزناه!!

عشرين عامًا

نلقاك شابًّا فى رداء الحرب تنفخ فى النفير

كى توقظ الأشلاء

تجمع شمل مصر المسترَقَّة

كانت على مجرى الزمان تمزّقت قِطَعًا

فطُفتَ على مسار النيل تجمع مزقة فى إثر مزقةْ

حتى نهضت - نهضتما – ألقيتما التابوت فى لهب السعير

وعدتما فى خير رفقةْ

نلقاك كهلا أشيب الفودين فى عمر النبوةْ.

ــــــــــــــــــــــــــــــ

رثاء محمود درويش للزعيم جمال عبد الناصر|  الرجل ذو الظل الأخضر

نَعيشُ معكْ

نسير معك

نجوع معك

وحين تموت

!نحاول ألاّ نموت معك!

ولكن،

لماذا تموت بعيدًا عن الماء

والنيل ملء يديكْ؟

لماذا تموت بعيدًا عن البرق

والبرق في شفتيك؟

وأنت وعدت القبائلْ

برحلة صيف من الجاهليهْ

وأنت وعدت السلاسل

بنار الزنود القويهْ

وأنت وعدت المقاتل

بمعركة.. ترجع القادسيهْ

نرى صوتك الآن ملء الحناجرْ

زوابع

تلو

زوابع...

نرى صدرك الآن متراس ثائر

ولافتة للشوارع

نراك

نراك

نراك...

طويلًا

.. كسنبلةٍ في الصعيد

جميلًا

.. كمصنع صهر الحديد

وحرًا

.. كنافذة في قطار بعيد..

ــــــــــــــــــــــــــــــ

ولستَ نبيًّا،

ولكن ظلّك أخضر

أتذكر؟

كيف جعلت ملامح وجهي

وكيف جعلت جبيني

وكيف جعلت اغترابي وموتيَ

أخضر

أخضر

أخضر...

أتذكر وجهي القديم؟

لقد كان وجهي يُحنَّط في متحف إنجليزي

ويسقط في الجامع الأمويّ

متى يا رفيقي؟

متى يا عزيزي؟

متى نشتري صيدليهْ

بجرح الحسين... ومجد أميّهْ

ونُبعث في سدّ أسوان خبزًا وماء

ومليون كيلواط من الكهرباء؟

أتذكر؟

كانت حضارتنا بدويًا جميل

يحاول أن يدرس الكيمياء

ويحلم تحت ظلال النخيل

بطائرة.. وبعشر نساء

ولست نبيًّا

ولكن ظلّك أخضر..

نعيش معك

نسير معك

نجوع معك

وحين تموت

نحاول ألاّ نموت معك

ففوق ضريحك ينبت قمحٌ جديد

وينزل ماء جديد

وأنت ترانا

نسير

نسير

نسير.