إيمان السيد: “اتعودنا إن اللي بيعلن تعبه بيقعد في بيتهم”

وجهت الفنانة إيمان السيد، رسالة شكر لجميع من أعلنوا إصابتهم بفيروس كورونا، للحد من دائرة انتشار العدوى، ولتخطي المرحلة الثانية من الفيروس.

وعبرت إيمان عن رأيها، من خلال حسابها الشخصي على موقع التواصل الاجتماعي “فيس بوك”، وكتبت: “عارفة إن في شغلتنا دي لو حد تعب سواء كان تعب بسيط أو مزمن، مش بيرضى يقول خوفًا على شغله، ودا لما تعودنا من إن اللي بيتعب بيقعد في بيتهم، وفيه ناس بتتعالج من أمراض صعبة بدون ما أي حد بيعرف وناس بتعلن عن تعباها بعدما يتم شفائها، ورغم كدا بيفضلوا الناس برضوا مترددين يستعينوا بيهم في شغل”.

وأردفت: “ولكن لما نكون بنتكلم عن وباء احنا هنا قدام واجب أخلاقي إن الناس لازم يقولوا عشان يقفلوا دايرة العدوى ويحذروا كل المخالطين ودول بدورهم يتعزلوا، شكرًا لكل الناس اللي بيعلنوا عن إصابتهم في كل مجال أو مكان، المرض مش عيب، العيب إنك تتسبب في انتشاره، وربنا يشفي الجميع”.

وتشارك إيمان السيد في مسلسل “إسعاف يونس”، المكون من 10 حلقات وسيتم عرضه عبر منصة “Watch it”، وتلعب خلال أحداث المسلسل دور ممرضة الطبيب “يونس” الذي يجسده بطل المسلسل الفنان محمد أنور.

إيمان السيد الممرضة الخاصة لمحمد أنور في مسلسل “إسعاف يونس”