أحمد فلوكس يكشف تفاصيل إيذائه بالسحر.. ويؤكد: “واقعة فرد الأمن مدبرة”
قال الفنان أحمد فلوكس، إن واقعة “فرد الأمن” الشهيرة، كانت مدبرة من شخص ما، حاول إيذاءه الفترة الماضية، من خلال تدميره من جميع الجهات في عمله وحياته الخاصة.
وكتب فلوكس على حسابه الشخصي بموقع تبادل الصور والفيديوهات القصيرة “انستجرام”: “طول عمري ماشي بستر ربنا، بيحصلي حاجات كتير وبتظلم كتير، وبشوف كتير، ودايمًا ربنا بينصرني رغم إني أصلا مبكنش عارف إني اتظلمت، وكتير اتقال عليا حاجات ومكنش بيفرق معايا لأنه كدب بس كنت بدايق، إن إزاي نحاول ندمر حد بالكلام، أو بالتشويه بس كان نجاحي في شغلي بيرد على سؤالي”.
وتابع: “وعشان كده مكنتش بهتم بأي حاجة تتقال عليا، واتقال عليا وعني كل حاجة تقريبًا ما عدا حاجة واحدة مقدروش يقولوها، عشان كش هتتصدق ولكن اتقال عني اللي ينفع يتقال واتأذي بيه ومكنتش بهتم وتلف الأيام وكل اللي بيقول كلمة بلاقيه واقع فيها وأقول الله يساحمه وخلاص”.
واستكمل: “ولكن في حاجة واحدة حصلت وللأسف كان لازم ساعتها التزم الصمت لغاية ما أجيب حقي بس كنت موجوع منها، ومن الظلم اللي حصل والغدر، وحاجات كتير تخض الواقعة دي هاتكلم عليها بالتفصيل الأسبوع الجاي، وبالأسامي والأشخاص والتفاصيل بعد ما يكون كل حاجة قانونية خلصت وخصوصًا أن فيها للأسف شخص أقل شيء يتقال عليه إنه قذر ومفتري ولا يستحق المكان اللي كان فيه والحمدلله ربنا جعلني سبب إنه يسيبوا، ولسه هيحصلو حاجات كتير لأنه أذى ناس كتير وكان مرتشي”.
وأضاف: “واقعة فرد الأمن كانت كلها ظلم وافتراء ومدبرة للأسف، ومقصود بيها تدميري من واحدة للأسف، من واحدة شيطانة ومدمرة وبرضو، وعشان تعرفوا برضوا أنا استحملت قد إيه، واتظلمت قد إيه، وعشان تعرفوا إحنا كبشر بقينا إزاي، وكلمة ولاد الناس دي متتقالش لأي حد، وتبعدوا عن أي عيلة ماشية بالأعمال والسحر وعشان يتعرف إني أخدت حقي من أسوأ أنواع البشر”.
تأجيل دعوى ضد الفنان أحمد فلوكس تطالبه بتعويض 10 ملايين جينه
