شاب يشن هجومًا على مطعم اليوتيوبر عمرو راضي: بيدفعنا 100 جنيه عشان نتصور معاه (صورة)
عبر ماجد مُسلم، عن غضبه عبر صفحته على موقع “فيس بوك”، وسرد في منشوراً مطولاً روي فيه تفاصيل زيارة لمطعم “طاولة” لمالكه اليوتيوبر المعروف عمرو راضي.
وقال ماجد:” رايح أقعد في كافيه مع ناس أصحابي فلقينا كافيه عادي اسمه “طاولة”، فروحنا عشان ندخل لقينا الويترز بيقولولنا في منيمم تشارچ 100 جنيه للفرد، فسألناهم ليه؟ قالولنا لأن الكافيه دا بتاع الأستاذ عمرو راضي وهو موجود بنفسه جوا وحضرتك تقدر تتصور معاه شخصيا!!”.
وتابع:” قلت له مين الأستاذ عمرو راضي؟، قالي اليوتيوبر المعروف!! قلت له طب أنا معرفوش ومش عايز اتصور معاه، قالي لازم حضرتك تدفع منيمم تشارج عشان تدخل، فمشينا مع أني عارف أن جهاز حماية المستهلك لاغيين المنيمم تشارج بس مبقتش أحب المشاكل”.
“الداخلية” تُغلق مطعم علي غزلان وتفض الزحام حوله خلال حفل افتتاحه في طنطا (صور)
وواصل ماجد:” أول ما ركبت العربية مسكت الموبايل قلت أشوف مين اليوتيوبر الأستاذ عمرو راضي!، لقيت قناته على يوتيوب فيها حوالي مليون متابع وفيديوهاته تافهة وسخيفة ودمها يلطش ولقيته متهم بتجارة أدوية كورونا أثناء الأزمة ولقيته متصور وهو لابس بامبرز على أساس أن ده شيء مضحك، بصراحة مقدرتش أكمل على الصفحة 3 دقايق من الإسفاف والدم التقيل”.
وأكمل ماجد:” تخيل لما يوصل بينا الحال أن حلم الشباب في مصر أنه يطلع يوتيوبر بيقدم محتوى تافه وكمان ياخد 100 جنيه على الفرد لمجرد أنه يبقا موجود في الكافيه بتاعه!”.
