محامي بهاء سلطان: “هجبره باحترام يتعاقد مع شركة روتانا” (فيديو)
كشف يوسف إبراهيم، محامي بهاء سلطان، تفاصيل جديدة بشأن خلافاته مع المنتج نصر محروس، والتي اشتعلت بينهما طوال السنوات الماضية، وانتهت بإنذار كل منهما للآخر، تزامنًا مع إصدار قرار من المحكمة بإعادة تسجيل أربعة أغنيات من ألبوم “سيجارة” الذي به عيوب هندسية.
وقال إبراهيم خلال لقائه مع “القاهرة 24”: “بهاء مبيقولش للجمهور أنا مظلوم، إحنا مبنخاطبش ودهم، وبهاء هيتعاقد مع شركة واتنين، ولو روتانا طلبتني هروحلها احترامًا لسمعتها وللناس اللي فيها، وإن هي هتطلعلي الراجل ده بشغل صح، لأن خلاص بقى أنت خدمتني بس أنا كنت مطرب قبل ما تكتشفني، كسبت من ورايا ملايين”.
وتابع المحامي: “كفاية اللي عملته مع تامر حسني وشيرين عبد الوهاب وخالد عجاج، مش معقول كل الناس ده بيجتمعوا في فكر واحد يضروك، مش هتعمله مع بهاء أنا مش همكنك، أنت عايز تروح للقضاء روح، ولو كنا ملتزمين معاك في سنوات النزاع وقولت الموضوع منتهي”.
واستكمل: “أنا هجبر بهاء بكل ذوق واحترام وود، إنه يتعاقد مع روتانا، والكلام بينك وبين بهاء، وسيبك من اللي أنت بتتكلم فيه بالإنذار، واللي أنت كاتبه فيه حجة عليك وهاخدها عليك في كل حاجة”.
واختتم أنه لم يسئ إلى شركة “فري ميوزك” كما أشار نصر محروس في إنذاره الذي أنذره به منذ أيام، اعتراضًا على إنذار بهاء الذي أرسله له في أول شهر أكتوبر، لإعادة تسجيل 4 أغنيات من ألبوم “سيجارة”.
يهدف إلى كسب ود الجمهور.. نصر محروس يُنذر بهاء سلطان ويُحذر “روتانا” من التعاقد معه (مستندات)
محامي بهاء سلطان: نصر محروس عايز يموته.. ورفض عرض بـ5 مليون عشان يسيبه
