عمرو راضي باكيًا بعد إصابته بـ ديسك هعمل كل حاجة على الإنترنت الفترة الجاية

كشف اليوتيوبر عمرو راضي، تطورات حالته الصحية، بعد إصابته بديسك مؤخرًا، تزامنًا مع وفاة صديقه اليوتيوبر مصطفى حفناوي، الذي توفي متأثرًا بإصابته بجلطة في المخ.

وظهر راضي في بث مباشر على صفحته الرسمية بـ”فيس بوك” منذ قليل، ومن خلفه رسمة له مع صديقه الراحل، حيث طمأن الجمهور على صحته من خلاله فقال: “أنا طالع أطمن الناس عليا، أنا الحمد لله كويس، شكر الله سعيكم، ومتشوفوش وحش في عزيز ولا غالي خالص، هو الموضوع صعب شوية عليا، ومكنتش عايز اظهر بس الناس بتضغط عليا في كل حته مسدجات وتليفونات”.

وتابع: “أنا كويس وربنا يرحمه، وأنا والله مش عايز أبان قدامكم كده خالص، الفكرة بس أن اتقال أني تعبان، أنا بس ضهري واجعني وعندي ديسك في ضهري والدكتور قالي أستخدم العكاز لحد ما أخف، خفت أكون خوفتكوا أكتر عليا، وبشكر كل اللي بيسأل عليا، دي سنة الحياة، وهتلاقوني بعمل كل حاجة على الإنترنت الفترة اللي جاية”.

كما علق على الفيديو قائلًا: “مفيش حاجه ممكن توجع قلبي وتاخد روحي.. زي حزني عليك.. مع السلامة يا حبيبي، بس عايزك تعرف إني بشوفك في كل مكان.. وكل حاجة بتفكرني بيك وشك مبيفارقنيش.. مكانك جمبي في العربية.. كرسيك قدامي في القهوة.. الأكل اللي بنروحله.. الرغي قبل ما بننام.. كل الصور.. كل الأماكن..كل البيوت.. كل الهزار.. كل التفكير في الماضي والمستقبل.. صحابنا.. كل حاجه بتفكرني بيك”

واختتم: “حقيقة إن جسمك فارقني الهروب منها صعب.. بس المستحيل الوحيد ان روحك تفارقني لحظة.. اتعودت عليك وعلى يومي معاك ف سبنا أهالينا وعشنا مع بعض.. رجعتني بيتي لوحدي زي العيل الصغير اللي تاه من أمه ف سوق كبير مليان ناس.. فاكر كلامنا وفاكر أحلامنا وأوعدك هحققلك كل اللي كان نفسك فيه! و هشيل صورتك ف كل خطوه زي م شيلتك على كتفي…وحشتني يا عشرتي وونسي”.

دكتور عظام عن حالة عمرو راضي: الحزن والاكتئاب لا يُسببان الإصابة بـ”الديسك”