أحمد عيد عبدالملك مهاجما مرتضى: “عامل قناة ترد بيها على أعدائك.. وعمري ما حفارق الجماهير” (تدوينة)
علق أحمد عبد عبدالملك لاعب الزمالك الأسبق، على المداخلة الطويلة التي أجراها مرتضى منصور رئيس مجلس إدارة القلعة البيضاء داخل فضائية الزمالك الخاصة.
وأطلق مرتضى منصور عدة تصريحات تليفزيونية خلال مداخلة هاتفية لبرنامج زملكاوي عبر فضائية الزمالك الخاصة دامت لأكثر من ساعة هاجم فيها العديد من الأشخاص.
أحمد عيد يتوعد إدارة الزمالك حال تعاونت مع تركي آل الشيخ
وقال أحمد عيد عبد الملك عبر حسابه الشخصي على موقع التواصل الاجتماعي فيس بوك : “كل يوم حكاية ورواية ومبتتعلمش أصلًا وعامل قناة النادي ترد على أعدائك اللي هما ملهمش حصر وكل يوم واحد جديد”.
وواصل : “فرقتك ماشية كويس والدنيا مستقرة وتخبط عند المنافس ومش لاقين مخرج يروحوا رامينلك طعم تقعد عليه شهر تتكلم في قناة المفروض بتدافع عن النادي مش عاملها بتدافع عن نفسك وتسب وتشتم فيها وبتدخل النادي في دوامة وياريت بتتعلم”.
واستكمل: “وسؤال بس، هو ازاي الضيف اللي بيجي كل يوم بيرضى يقعد يسمع المكالمة بس وبيتكلم دقيقتين ويقوم يروح؟!!”.
وتابع: “ربنا يرحمنا ونستريح، واللي موافقك وبيطبلك بكرة أما تقع هيستخبى ويطبل لغيرك ومحدش بينسى”.
كما أوضح لاعب الزمالك الأسبق ردا على الهجوم الذي تلقاه بعد تصريحاته ضد مرتضى منصور قائلا “في عالم موازي انت بتهاجم دلوقتي علشان جاب عفيفي القناة ومجابكش”.
كما انتقد مناصري الأهلي بعد تصريحاته الأخيرة “بتقولي شابووه علي كلمتين قولتهم وشايف اني صح لمجرد ان طلع هاجمت رئيس النادي بتاعي وانت مبتحبنيش ولا هتحبني انت بتنتقد اي موقف ليا سواء صح او غلط وبتقول اول مرة تقول حاجة صح انا عارف اني صح طبعاً بس مجرد انك تقول كدة وانت قعدت اسبوع متتكلمش ولا كلمة وساكت وبتتفرج ومش قادر تطلع تنتقد بقي مجلس ادارتك باي كلمة انت واعلامك وصفحاتك وعارف وشايف انهم غلط بقالهم سنتين وعمال تقولي انتو ازاي راضيين عن الي بيحصلكو وانت عارف اننا اول جمهور بينتقد رئيس النادي يبقي انت الي بتطبل لامؤاخذة مش انا واي حد مختلف معايا من جمهور الزمالك مختلف علي توقيت البوست مش علي انه صح او غلط وطبعاً كلنا شايفين الي بيحصل في الاعلام وتحويل المسار الي حصل من عندك لينا في المشاكل وللاسف أكل الطعم والسوشيال ميديا موضحة كل حاجة فا انا عمري ما هطلع من صفوف الجمهور ولا العلاقة هتختلف فمتحاولوش “.
