تامر حسني بحفل عيد الفطر: “خسيت 14 كيلو في أيام الحظر.. وبستخدم شهرتي علشان أساعد الناس”
أحيا النجم تامر حسني حفلًا غنائيا “لايف” اليوم الأحد بمنطقة الأهرامات، وذلك احتفالا بعيد الفطر المبارك، لتشجيع الجمهور على الالتزام بالحجر المنزلي، وبث هذا الحفل مباشرة على قناة أون بشكل حصري.
واستهل تامر حسني الحفل بالحديث عن وقوفه بجانب الشعب المصري في ظل أزمة كورونا وقال: “أنا زي أي مصري وفي أزمة بنمر بيها كلنا، فعلى قد ما بقدر بستخدم شهرتي علشان نساعد الناس، فمعتقدش الناس اللي مش قادرة تجيب دواء أو مش قادرة تقعد في البيت هنسيبهم، فكان لازم اعمل حملة وأكتر”.
ووجه حسني الشكر لجميع. الجماهير التي تتابع الحفل قائًلا: “مفيش جمهور قدامنا ولكن العالم كله بيتفرج علينا، بشكر كل الناس اللي بتابعنا وأحنا هنا علشان نرد على أسئلتهم ونغني اللي هيطلبوه، وأنا قصدت إني محضرش حاجة ولا أي أغنية والجمهور هو اللي يختار”.
وتحدث عن استقبال الغفير الذي يجده من جمهوره بأي مكان يذهب إليه وقال: “من بداية ما سافرت والناس بدأت تيجي عليا قولت دي مرة، ولكن مرة ورا مرة اتفاجئت بحب الناس ده في البلاد العربية والأجنبية اللي زورتها، والجمهور قد ايه هما مصدقيني وأنا مصدقهم، وأنا دايما على تواصل معاهم”.
شاهد.. بث مباشر لحفل تامر حسني من مسرح الصوت والضوء بالأهرامات (فيديو)
أما عن كواليس قضائه وقته في الحظر سرد قائلًا: “من أول أيام الحظر اتعاملت معاه أنه شهر رمضان، ولأن في الشهر ده في حاجات طورتها، فقعدت مع ولادي أكتر ومراتي، وحاجات كتير صلحتها، أنا مؤمن أن الفترة دي اختيار من ربنا ولازم نتعامل بصدر رحب، ونشوف كل واحد عنده وقت وأنا مجنون وقت، فبشوف أن طول الوقت الانسان لازم يستغل وقته”.
ومزح عن خسارته للوزن وكشف بأنه فقد ما يقرب من 14 كيلو، وقال: “أنا سمعت إن الناس هتتخن فروحت خسيت”، أما عن زوجته بسمة بوسيل غازلها قائلا: “أكتر بصمة في حياتي كانت بسمة مراتي وبحييها”.
