أرملة الشهيد شبراوي عن مشهد “الاختيار”: “ثبات فوق احتمال البشر ودم ادفع عشان مصر” (فيديو)
“اتحكى لنا كتير عن اللي حصل.. لكن اللي شوفناه ثبات فوق حد احتمال البشر”.. بهذه الكلمات بدأت المهندسة ندى حسن، أرملة الشهيد أحمد عمر شبراوي محمد الغنام أحد الأبطال الذين استشهدوا بكمين “البرث” قبل نحو ثلاث سنوات، حديثها عما مثله لها مشهد استشهاده ضمن مسلسل “الاختيار” الذي يُجسد بطولته ضمن أفراد الكتيبة 103 صاعقة، بقيادة الشهيد العقيد أركان حرب أحمد صابر منسي.
وقال ندى، في تصريحات خاصة لـ”القاهرة 24″: “بعد استشهاد أحمد كنا بندور على زملاؤه من العساكر واتحكى لنا إنه لغاية آخر لحظة بطل ماسك سلاحه وصمد، وقولت إنه طلب دا ونال الشهادة”.
كيف أعلنت القوات المسلحة خبر استشهاد أحمد المنسي ورفاقه في كمين البرث؟
وتابعت: “بعد استشهاد أحمد عشت فترة صعبة، لكن المشهد والحلقة أثروا فينا جدًا خصوصًا وصيته بإنه عاوز عمر يعرف إنه كان بطل.. هو كان مرتبط جدًا بعمر وكان دايمًا بيتكلم مع صحابه عن أحلامه في عمر وإنه حتى قبل ما يستشهد بـ 5 أيام بعت فويس لعمر وقال له إنه هاييجي يعمل له عيد ميلاد”.
وأردفت: “حسيت إن أحمد استشهد النهارد.. الحلقة كانت صعبة، وفي كل الأحوال إحنا فخورين بأحمد وإنه كان بطل”.
واختتمت أرملة الشهيد حديثها برسالة لجموع الناس: “نفسي أقول كلمة.. الجملة اللي الناس بتزهق منه وإن فيه دم اندفع علشان البلد دي.. اللي شاف الحلقة هيعرف يعني إيه الجملة دي ويعرف إننا لازم نحافظ على البلد دي علشان في دم كتير اندفع”.
بشهادة جوجل.. “ملحمة البرث” الأكثر بحثاً على مستوى العالم بعد عرض حلقة الاختيار (صورة)
نكشف كواليس الحلقة 29 من مسلسل الاختيار .. التحقيق مع هشام عشماوي (فيديو)
