طبيب بعزل هيليوبليس يطالب بإضافة فقدان الشهية والشم كأعراض لفيروس كورونا
عرض الدكتور حسن كساب، الطبيب بمستشفى العزل الصحي بمصابي فيروس كورونا المستجد هيليوبليس بمصر الجديدة، بعض الحقائق التي قابلته في فترة عمله في المستشفى.
وأضاف حسن كساب، عبر صفحته على موقع التواصل الاجتماعي “فيس بوك”:”مفيش توقع لمسار المرض إطلاقا لا سن معين ولا أمراض مصاحبة ولا أي حاجة تقدر تقول إنها أخطر من غيرها شباب صغيرين أصحاء ماتوا وكبار سن بأمراض كتير والحمد لله بقوا كويسين”.
وتابع الطبيب: “الأطفال فعلا هم أقل فئة تأثرا بالمرض وأعراضه وبيعدي عليهم زي أي دور برد عادي ودي حاجة مبهجة جدا جدا الحمد لله، ربنا يحفظ أولادنا جميعا، وساعات بتبقى كل الأعراض زي أعراض النزلة المعوية وبس مفيش أي حاجة تانية مجرد إسهال وفقدان شهية ومتصدقش أن دول مش من الأعراض هي a typical presentation صحيح يعني مش كله كده بس موجودة بنسبة لا يستهان بيها”.
الحكومة: نتوقع زيادة الإصابات بكورونا الفترة المقبلة لتتجاوز الـ400 حالة يوميا (فيديو)
وأكمل الطبيب: “حوالي 80 ٪ من الحالات كان عندهم قاسم مشترك وهو فقدان حاسة الشم تماما ومش حاسين بطعم أي حاجة وأنا بطالب أن دول يتحطوا من ضمن أعراض الاشتباه في الإصابة بالفيروس وبتبدا الحاسة دي ترجع مع التحسن، من وجهة نظري أن العلاجات اللي إحنا ماشيين عليها مؤثرة جدا الحمد لله وفارقة في تطور الحالة”.
وأوضح الطبيب:”دي للزملاء ان anti coagulation is the corner Stone of management برغم أنه بيدخل العيانين في complications like bleeding or HIT، أكتر حاجة فارقة فعلا هي بداية العلاج as soon as possible وطبعا سرعة التشخيص ده أكيد كل ما الحالات بتيجي وتبدأ علاجها بدري نسبة التدهور فيها بتقل كتير جدا”.
الصحة تكشف لـ”القاهرة 24″ موعد دخول المرحلة الثالثة لفيروس كورونا (خاص)
وأشار الطبيب: “وده الأهم أن مرحلة احتواء الفيروس فشلت طبعا خلاص وده أمر واقع ومش تقصير من حد معين لوحده والوزارة عملت قدر المستطاع، والناس التزمت قدر المستطاع والنجاح والفشل كانوا احتمالية يعني مش لو التزمنا يبقى أكيد هنعدي وده مش مبرر للاستهانة أبدا”.
وأردف الطبيب: “العالم كله هيفتح وده إجباري ومش اختياري من رأيي وأن مفيش مبرر أننا نقفل بعد ما فقدنا السيطرة على احتواء وتقصي الفيروس وبقت الوقاية مسؤولية فردية بحتة والحكومة هيبقى واجبها تعالج بس الحالات اللي تحتاج الحجز في المستشفى، والباقي هيبقى في بيته”.
واختتم الطبيب: “أحمي نفسك وتحمي عيلتك وخد حذرك ومتطلعش عمال على بطال وأكيد كلنا عندنا وعي كافي دلوقتي للي عاوز يحمي نفسه مش هطول في النقطة دي، الموضوع مبشر جدا عندي هنا الحمد لله وبفضله ونسبة تحسن عالية، جدا بفضل الله والدنيا مش سودة أوي بس ناخد حذرنا، حالات كتير جدا بتيجي وهي من غير أعراض وبتعدي للآخر بدون أي أعراض إطلاقا غير أن المسحة إيجابي ودول لازم يتعمل عليهم دراسة”.
الحكومة: ارتداء الكمامة سيكون إجباريًا خلال الفترة المقبلة
