نائب مستشفى النجيلة: دعوات عودة الحياة لطبيعتها مضللة وتؤدي لكارثة
دعا الدكتور محمد علام نائب مدير مستشفى النجيلة، لأخذ الحيطة بخصوص دعوات عودة الحياة لطبيعتها، مشيرا إلى أن ذلك سيؤدي إلى كارثة.
وقال علام في تدوينة له على موقع التواصل الاجتماعي فيس بوك:”دعوات عوده الحياه لطبيعتها مضلله وهتؤدى لكارثه الناس خلاص بدئت تطبقها محدش يتوقع ان الأرقام تتحسن، الخطر قرب من كل واحد اكتر من اليوم اللى قبل، الرساله دى رجاءا توصل لكل الناس ليه نستسلم بدرى اوى كده فى حلول فعاله فى ايدينا”.
وأكمل: “نزلوا الصوره عندكم اعملوا شير الفيس بوك مش هو المجتمع فى ناس فى الشوارع مبيوصلهاش كل الكلام ده وعوا بعض لسه مش وقت استسلام نجحنا نقلل الانتشار بالتزام عدد قليل تخيلوا لو الكل التزم هتعدى باقل الخسائر”.
وقال: “إنا بتكلم من منطلق شغلى شهرين كطبيب وشهر كمصاب وناس شفتهم بيموتوا قدامى يمكن المرض مش صعب على اغاب الناس لكن فى عدد الموضوع صعب وفى ناس بتموت دى الحقيقه متستهتروش لسه الموضوع فى ايدينا نامن اهلنا، قال الله تعالى: {وَتِلْكَ الْأَمْثَالُ نَضْرِبُهَا لِلنَّاسِ وَمَا يَعْقِلُهَا إِلَّا الْعَالِمُونَ}”.
مستشار الرئيس لشئون الصحة: سنتعايش مع كورونا في المستقبل بعدما نكتسب مناعة
