والدة الطبية المتوفية بـ”كورونا”: “اشتكيت لربنا.. حرمونى من وداع بنتى قبل دفنها” (فيديو)

قالت الحاجة فايزة عبدة والدة الدكتورة سونيا عبد العظيم تعليقاً على واقعة تجمهر الاهالى وتدافعهم لرفض دفن جثمان نجلتها بسبب إصابتها بفيروس كورونا المستجد حسبى الله ونعم الوكيل “حرمونى” من الوداع الأخير، وقطعوا الطريق ومعرفتش أوصل للمقابر.

وأضافت خلال مدخلة هاتفية مع الإعلامية إيمان الحصري على قناة “دى ام سى”، منعهم من دفن نجلتها المتوفية بفيروس كورونا :” الناس دول تعبونا النهاردة دى بلد أبويا ، وبنتي لما أتجوزت كان في البلد دي، وهى كانت دكتورة  ناجحة، وذهبت للسعودية مع زوجها، وبعدين رجعت عاشت في المنصورة، وكانت محبوبة للجميع، كانت متربية أحسن تربية.

نجل طبيبة “شبرا البهو” يكشف تفاصيل الساعات الصعبة قبل الدفن (فيديو)

وقالت:” بنتى ربنا رزقها بـ4 بنات كلهم معاهم دكتوراه، وهى كانت تعانى من مرض السكر، وكان مبهدلها كلمتني، وقالت ليا يا ماما أنا تعبانه وهموت، قولتلها يابنتي انتي بتهزري أنا هاجي علشان أشوفك، وأسلم على بنتها لأنها كانت في لندن، وكانت رايحة تعمل عملية بتر طرف فى المستشفى، وكانت الكحة الشديدة ماسكة فيها، ونقلوها للعناية المركزة.

وتابعت:” لما تعبت جامد خدوها من مستشفى الصدر لـ”الإسماعيلية” ربنا يبارك فى مصر وفى الشرطة المصرية، بلدنا بلد محترمة ، والإعلام المصرى خفف من الحزن ووجع القلب الموجود فينا، والناس كلها بتتصل تعتذر، أزاي بنتي دكتورة تتمنع تدفن فى مقابر زوجها.

الداخلية: الإخوان وراء دعوات التحريض لمنع دفن طبيبة “شبرا البهو” ضحية كورونا (بيان)

وذكرت خلال المداخلة:” طلبت من ولادى يدفنوها مع أبويا وأمي في بلد تانية لكن هما كانوا رافضين بسبب إصرار زوجها تدفن فى المقابر بتاعته، يمنعونا لدفن بنتى حرام نتهزأ بالشكل ده، لكن جوزها كان كده واحترمنا رغبته لكن أتبهدلنا.

ماذا حدث في شبرا البهو؟.. شهود عيان يكشفون رفض أهل القرية دفن طبيبة متوفية بكورونا (صور وفيديو)

واختتمت حديثها:” عاوز أشكر المحافظ ومدير الأمن، والشرطة المصرية، على الواجب وسمحوا بدفن بنتى، وفى النهاية أقول أيه أنا مشفتش بنتي منها لله حرمونى أشوف بنتى قبل دفنها، منهم لله كانوا واقفين على الطريق الزراعى بالشوم، ويقول لا لا مش هتدفن أبداً دى دكتورة، وجوزها كان بيساعد البلد إلى عاوز يجوز بيساعده، أقول ايه منهم لله أن أشتكيت لربنا “حسبة الله ونعم الوكيل.

شيخ الأزهر عن رفض دفن طبيبة الدقهلية: “مشهد بعيد عن الأخلاق والإنسانية والدين”