أحمد مالك من أمام ماكينة صرافة: لاحظت إني مش في أزمة قوية زي ناس حياتها ممكن تكون في خطر

نشر النجم أحمد مالك صورة له وهو يقف أمام ماكينة صرافة، عبر حسابه الرسمي بموقع الصور “انستجرام” وكتب عليه: “كنت ناوي أكتب حاجة فيها هزار عن الفلوس والحالة المادية، بس لاحظت إني مش في أزمة قوية زي ناس فعلًا حياتها ممكن تكون في خطر بسبب الوضع الحالي، بعدين فكرت في الوضع الحالي، أنا حاسس إن معنديش حاجة أقولها أو أعملها، ومش قادر حتى أقول لنفسي أعمل ايه، حاسس إني تايه ومتلخبط بس حاسس إن مش لوحدي وده شعور غريب”.

وأضاف: “حاسس إني عاوز أفضل ساكت واتفرج، مش عاوز أعمل challenge، مش عاوز أجري، مش عاوز أخد كورس أونلاين، مش عارف عاوز أو مفروض أعمل ايه، عارف إن كلامي ممكن يميل للضلمة بس حاسس إن دي مش مشكلة ومش مفروض تخوفني”.

واستكمل حديثه متمنيًا زوال تلك الحالة مع وجود بصيص من الأمل لديه: “مش عارف لو العالم هيتغير أو لا بعد اللي بيحصل، بس أكيد هنفهم حاجة جديدة وحتى لو مفهمناش أكيد هنحس… أتمنى الخسارة تكون خفيفة علينا ومتحمس لليوم اللي هنحتفل بمرور كل ده”.

وكان أحمد مالك كرِّم مؤخرًا عن فيلم “الضيف” كأحسن ممثل، بحفل ختام مهرجان المركز الكاثوليكي للسينما في دورته الـ68، والمقام في كنيسة الآباء الفرنسيسكان، ولكنه غاب عن حضور المهرجان.

وعرض لمالك مؤخرًا بالسينمات فيلم “رأس السنة”، وشاركه بطولته كلٌّ من إياد نصار، إنجي المقدم، بسمة، شيرين رضا، هدى المفتي، محمد الألفي، جيهان خليل، هاجر الشرنوبي، ويسرد الفيلم قضية الصراع بين الطبقات الاجتماعية.

أبرزهم رغدة وأحمد مالك.. نجوم غابوا عن ختام مهرجان المركز الكاثوليكي