براءة صاحب فيديو كلب الزاوية الحمراء

قالت هاجر عبد الحليم، شقيقة أحمد عبد الحليم بطل واقعة كلب الزاوية الحمراء، إن المحكمة برأت شقيقها اليوم في قضية كلب الزاوية الحمراء.

وأضافت لـ”القاهرة 24″ أنها قد دعت لأخيها كثيرا، وأكدت أنهم ليست العائلة التي لديها نفوذا ولا سلطة، غير أنها كان لديها ثقة في الله أن ينجي أخيها من القضية لأنه مظلوم.

وتابعت: “شكرا لأي حد ساعدني أوصل الحقيقة وشكرا للصحفيين المحترمين اللي سمعوا من الطرفين ونزلوا الحقيقة، وشكرا أيضا لأي حد محترم شتمنا لمجرد إنه سمع من طرف واحد، ده غير الصحفيين المحترمين اللي كانوا عايزين يعملو أي بروباجندا إعلامية وخلاص وبردو سمعوا من طرف واحد”.

وأردفت أن الفترة الماضية كانت صعبة، وكانت تتلقى تهديدات عديدة لكنها لم تقم بنشرها على صفحتها الشخصية على موقع التواصل الاجتماعي “فيس بوك”، كونها لم ترد نشر لمثل هذه الأشياء.

وأوضحت: “مكنش حد ينفع يشوف الصور والكلام اللي اتبعتلي، عشان بس الناس المحترمة اللي نزلت إسكرينات غير حقيقية لأحمد وهو بيشتم، وبيقولوا عليهم مظلومين، لو كنتوا شوفتوا اللي اتبعتلي كنتوا هتعرفوا مين الغلطانين، وبردوا في الأخر ربنا ظهر الحق”.

وأسهبت هاجر في الحديث أن أخيها أحمد بعدما خرج بيوم من القسم، ذهب للبلد، ثم جاء بعد أسبوع وتم القبض عليه من الشارع ومعه عدد من الناس بالشارع بعدما بثت العائلة الأخرى فيديو عن الشارع ومن فيه، وبعد مرور 10 أيام في القسم، أصابته التشنجات بسبب الضرب التي أخذها من ابنهم.

وتابعت: “الجلسة كانت أمس والمحامي كان معاه والقاضي سمع وشاف كل حاجة، وأعطاه براءة، ومكنش فيه حد معاه في المحكمة”.