الشاعر خالد تاج الدين عن محمد رمضان: “لا يعرف السلّم الموسيقي”

هاجم الشاعر خالد تاج الدين، الفنان محمد رمضان، بعد التلميح بالهجوم على عمرو دياب خلال استضافته ببرنامج “التاسعة” مع الإعلامي وائل الإبراشي.

وكتب تاج الدين منشورًا على صفحته بـ“فيس بوك”، قال فيه: “أظن ده أكبر دليل أن اللي على القمة لازم يتجاب سيرته كل شوية لمجرد لفت للنظر وربط أسامي ناس تانية بيه مش اكتر.. عمرو دياب مع احترامي أو عدم احترامي لأي حد هيفضل بعيد عنكم.. ومعلش يعني عمرو دياب هيحط في دماغه واحد مش في مهنته أصلا!! ولا يعرف السلم الموسيقي كام درجة لا مؤاخذة.. ناس عجيبة والله”.

وفي سياق متصل، كتب الملحن عمرو مصطفى مُهاجماً أيضاً محمد رمضان :”اعتقد أن رد تامر بسيط بالنسبة لو أنا رديت تقول نمبر وان على الممثلين الساكتين عن التجاوزات بتعتك ماشي ملناش دعوة لكن عند الغناء والموسيقي بلاش علشان هتزعل الموسيقى والغناء وعمرو دياب تحديدًا، خط أحمر وهو أنت بتمتهن مهنة أو ليك فيها عشان أي حد في المهنة يغير منك ويحاربك يا بني أنت ماتعرفش السلم الموسيقي من سلم بيتك”.

عمرو مصطفى لـ”محمد رمضان”: “بلاش عمرو دياب عشان هتزعل” (صورة)

وهاجم كذلك الشاعر تامر حسين الفنان محمد رمضان، وكتب: “الحقيقة مش عارف احنا بقينا نستحل نتهم الناس بالباطل ازاى؟، وهل يُعقل راجل مُتربع على قمة الغناء 30 سنة ومطرب وبيغنى ويسلطن ومواكب ومتطور وشايل صناعة بحالها على كتافه ومشرف مصر بقاله سنين بسيرته وأعماله ونجاحاته وقدوة بجد للشباب ومختلف الأجيال والأعمار ومطرب كبيرمش بيقول “راب” ولا دخيل على الشُغلانة حايفكر يمنع ممثل أو مؤدى من الغُنا أو يحاربك مثلاً”، وأضاف: “ياجماعة اتقوا الله واعقلوا اللى بيتقال الناس مش حاتتعاطف مع الهزى ده الناس بتشمئز من الكلام اللى مفيهوش ريحة المنطق وربنا يهدى، وادى رد محامي المطرب عمرو دياب على الاتهام الباطل”.

الشاعر تامر حسين يهاجم محمد رمضان: “هو عمرو دياب هيفكر يحارب مؤدي مثلًا؟” (صورة)

ووجه رسالة لرمضان قال فيها: “ياريت يا أستاذ يللى بتتهم الناس بالباطل نحافظ على رموزنا الحقيقين والمؤثرين بالإيجاب ونجومنا الكبار اللى فاضلين لنا عشان لما تبقى حضرتك ناجح ٣٠ سنة على التوالى نتشرف بيك و بانجازاتك وبسيرتك ونقف ضد اللى يمسك بكلمة، الكبير له مقامه واحترامه وتقديره وياريت ننجح بشرف”.