راندا البحيري: “أغلب اللي مضايقهم ظهور يوسف فوزي مش عاوزين يفتكروا المرض” (صورة)
علقت الفنانة راندا البحيري على أحدث ظهور للفنان يوسف فوزي، بعد إصابته بشلل رعاش، أدى إلى أعتزاله الفن نهائيًا، وذلك عبر حسابها الشخصي بموقع التواصل الاجتماعي “فيس بوك”.
وكتبت راندا تدوينة طويلة وجهت من خلالها بعض النصائح للفنانين، قائلة: “أستاذ يوسف فوزي، قرر إنه يشاركنا مرضه، و حابب بإرادته إنه يطلع و يتكلم، و على فكرة أغلب اللي متضايقين من الڤيديو، متضايقين علشان خايفين على نفسهم، مش عايزين يشوفوا حاجه وحشه، مش عايزين يفتكروا المرض مش عايزين نتعظ من حاجة، على فكرة الله يشفيه و يعافيه الفيديو ده هيبقي سبب لحاجات حلوة كتير أوي”.
وتابعت: “أستاذ يوسف في أول الفيديو قال حِكَم أقسم بالله، قال الفن يا جماعة بيسرق العمر، و قال كمان حاجة أنا كنت دايما بفكر فيها بس معرفتش أفسرها زي ما هو بخبرته فسرهالي في الفيديو ده”.
وأضافت: “قال كل يوم بنصحي الصبح بنسيب شخصيتنا و بنلبس شخصية تانية، نعيش بيها طول اليوم و نرجع ننام و نصحي نلبس شخصية تالتة و نرجع ننام و نصحى و هكذا، علشان كده جت كلمه ((الفن بيسرق العمر))من هنا”.
واستكملت: “إن احنا الكام سنة اللي عايشينهم في حياتنا مش بنعيشهم بأسماينا بالطول و العرض، لأ بنعيش جوا شخصيات غيرنا عمرنا بيتاكل، بدعي كل زمايلي و أصحابي إننا نفكر تاني و تالتفي حياتنا و في ولادنا و حبايبنا و في نفسنا و نعيش للفن و لنفسنا مع بعض”.
بعد 20 عامًا.. يوسف فوزي يصاب بنفس المرض الذي جسده في مسلسل “أوبرا عايدة” (فيديو)
