رمضان صبحي: سألنا المنظمين عن الوضع القانوني لارتداء «قناع سلفادور» بنهائي إفريقيا

كشف رمضان صبحي، نجم النادي الأهلي والمنتخب الأوليمبي، عن صاحب فكرة ارتداء قناع “سلفادور دالي”، الذي ظهر في مسلسل “لا كاسا دي بابل”، والذي ارتداه لاعبو الفراعنة الصغار قبل مباراة نهائي إفريقيا تحت 23 عامًا، والتي توج بها المنتخب الوطني.

وقال “صبحي” خلال استضافته ببرنامج “معكم”، عبر شاشة “cbc”: “فجأة وإحنا قاعدين طاهر محمد طاهر (مهاجم المقاولون) قالنا إيه رأيكم ندخل لابسين الأقنعة، وكلنا وافقنا”.

وتابع: “قلتله بس هتعرف تجيب العدد دا كله إزاي، فهو وأحمد ياسر ريان كلموا ناس صحابهم وجابوا ماسكات على قدنا، وكلمنا ناس من المنظمين وسألناهم عن الموقف القانوني من اللي هنعمله وقالوا مفيش حاجة”.

واستكمل: “طاهر كان متولي المهمة وبيسأل وبيعمل كل حاجة ومكنش بيقولنا عشان ميشغلناش خصوصا إنه كان مصاب في الوقت دا، وعمل كل حاجة من غير مايشتتنا، وقالنا خليكوا مركزين”.

وأوضح: “لم يعترض أحد لأننا كنا دايما بناخد رأي الأغلبية في كل حاجة بنعملها، وكان فيه تكاتف حلو جدا بينا”.