شاهد ..آخر لقاء للمخرج سمير سيف يحكي أسرار علاقته بالراحل أحمد زكي (فيديو)
تحدث المخرج سمير سيف عن عن علاقته بالراحل أحمد زكي في آخر ظهور له عبر شاشات القنوات الفضائية من خلال برنامج ” المساء مع قصواء” عبر شاشة قناة TEN، قبل رحيلة عن عالمنا مساء اليوم عن عمر يناهز 72، قائلا: “علاقتي بأحمد زكي غريبة جدا وأنا عارفة من ساعة ما تخرج، وكان فيه مشاريع مشتركة بس مكانش بتوافر الظروف المناسبة أو موضوعتنا ماتبقاش واحدة، لدرجة مرة اتقابلنا في إشارة ونزل أحمد الزجاج، وقال له معقول يا سمير بقالنا 30 سنة بنشتغل ومش هنتقابل في فيلم، بعفويته”.
وتابع: “إلى أن جاء اللقاء في فيلم (معالي الوزير)، وكانت تجربة غيرت بالنسبة ليا حاجات كتير، أحمد زكي من الممثلين الصعبين من ناحية إنه ممثل متقلب وعايز دايما يكون في أحسن شيء ويهمه الكمال وبالتالي يسخط ويغضب عندما يجد المخرج تغاضى عن شيء ما، لذلك اكتسب سمعة أنه ممثل صعب التعامل، وقبل ما أشتغل معاه في الفيلم واجهته بهذا الأمر”.
وألمح سمير: “زكي كان مش بيدخل تصوير العمل (إلا لما يقفش الشخصية)، بشكل كلي، عشان كدا كان بيعيش في الشخصية لفترة، مثلا لما عمل فيلم السادات عاش مع الشخصية لدرجة إن ولاد السادات لما كانوا بيشوفوه كانوا بيتخضوا ويفتكروا إن أبوهم رجع، وكمان سلوكه كان بيبقى زي الشخصية ومش كل الناس عندها طولة البال للنقاش معه حول الشخصية، وأنا تناقشت معه إلى ما يقارب 80 ساعة متفرقة لفيلم معالي الوزير”.
وفي النهاية قال سمير إن أحمد زكي قالي لي عبارة ما زلت أذكرها، حيث قال “أنت هتلاقيني في اللوكيشن أقل من الكومبارس” زي ما تقولي هاعمل، وبالفعل قد كان، وبالتالي كان فيه قناة السينما عملت حفلة بمناسبة انتهاء الفيلم، وقال أنا محستش بالفيلم وفجأة لقيت تصويره خلص، بسبب الإعداد الجيد له من مناقشات ومحادثات، حوله وبالتالي أحمد في تقديري دا آخر أفلامه فعلا رغم إنه مثل في حليم بس كان تعبان، ودا شيء أنا بعتز بيه إن آخر أفلامه الحقيقية معايا”.
