شريف مدكور عن ترميم قصر البارون: “مش عيب يتحول لفندق ويكون غالي” (فيديو)

أبدى الإعلامي شريف مدكور، تصريحاً حول أعمال ترميم قصر البارون ، بمنطقة مصر الجديدة، والتي تقوم بها وزارة الأثار المصرية، والمقرر افتتاحه خلال العام الجاري.

وظهر مدكور، في بث مباشر (لايف) على حسابه الرسمي بموقع “فيس بوك”، قائلاً: “عايز أتكلم عن قصر البارون ، هو بالنسبة لسكان مصر الجديدة، حاجة مهمة جدا، كلنا أتربينا حواليه وبنشوفه”.

وأضاف:”في كم خزعبلات بتتقال إن السور بتاعه أتشال، ودا مش الأصلي، بتاع قصر البارون، اللي عايز يشوف الأصلي، يعمل سيرش عنه، صور قديمة أبيض وأسود، عشان يعرف الفرق”.

الحكومة تكشف حقيقة وقف أعمال التطوير والترميم بقصر البارون الأثري

وتابع: “الناس عماله تقول هيبنوا كام سور، والقصر مش هيبقى باين، والكلام دا مش مظبوط، هما هيعملوا حاجه زي المعابد الهندي، وهو أصلا مصمم على الطراز الهندي، وأنا رحت الهند كذا مرة، وهو لون محمر، شبه فندق ماريوت”.

تحويل قصر البارون لفندق

وأستكمل: “في ناس بتقول إنه  هيتحول لـ”أوتيل“، هو لو هيبقى كده، هو مش كبير عشان يبقى فيه أوض، وهيضطروا يبنوا مبنى في الجنينة، ومش عيب لو أتحول لـ”أوتيل” 7 نجوم، فيه خدمات أفضل، ويبقى فيه 10 سويتات، وغاليين، زي فندق ماريوت “عمر الخيام”.

وأختتم: “ممكن تصبروا شوية، تشوفوا هيحصل إيه، المعلومة اللي عندي أنه هيبقى حاجة حلوة أوي، هو كان بايظ ومتبهدل، وهيتطور، الهجوم الفظيع ا مش قادر أفهمه؟”.

وتابع في خاتمته: “برضو سكان مصر الجديدة معتادين على المترو، ماهو مبقاش له لازمة ياجماعة، وعدد السكان بيزيد والمفروض يتشال، عشان يوسع، خلينا برضو منبقاش عاطفيين، ونصح مرور مصر الجديدة، بنقل عربيات المنطقة، إلى مكان مخصص، وبه عربيان طعام متنقلة”.