“”بناقص لاعب يمشي”.. “الديهي” يعلق على اتهام عارضة الأزياء للاعبي المنتخب بالتحرش

تحدث الإعلامي نشأت الديهي، على اتهام عارضة أزياء مصرية لأربعة من لاعبي المنتخب المصري بالتحرش بها لفظيا من خلال حسابها الشخصي على “انستجرام”، معتبراً أن هناك بعض الخبث في توقيت نشر تلك الأزمة، وأن مثل تلك الأخبار الهدف منها تشتيت تركيز لاعبي المنتخب، ومن الممكن أن تؤثر بالسلب على المنتخب المصري الذي يسعى للتتويج باللقب الإفريقي.

وقال “الديهي”، مقدم برنامج “بالورقة والقلم”، المُذاع عبر فضائية “TeN”، اليوم الأحد: “أنا مش عايز أغلط في البت بس شكلها عايزة شهرة، لازم يتم التحقيق في الواقعة ولو البنت كاذبة يتم مسائلتها قانونيًا”.

وتابع “الديهي”: “بناقص لاعب للحفاظ على سمعة وكرامة باقي لاعبي المنتخب، ولو ثبت تورط عمرو وردة يتعاقب ويمشي من المنتخب”.

وفي وقت سابق، كشفت إحدى مستخدمي موقع التواصل الاجتماعي “انستجرام” وتدعى “ميرهان” وتعمل موديل للعديد من البراندات العالمية، قصة تحرش بعض لاعبي منتخب مصر بينهم عمرو وردة على حسابها الشخصي.

ونشرت “ميرهان” فيديو بخاصية “ستوري” على حسابها على “انستجرام” قالت خلاله: “استنوا عليا شوية النهاردة بس افضى وانزلكم حاجة هتسليكم جدا وهتحزنكم وتقرفكم برضو جدا بس ده الواقع اللي لازم نفهمه”.

أول رد من زوجة أيمن أشرف على اتهامه مع لاعبى المنتخب بالتحرش بعارضة أزياء (صور وفيديو)

وأضافت: “والله يا جماعة أول امبارح ده كان يوم حافل، أول ما نزلت “ستوري” جديدة فجأة الناس دي ظهرت عندي”.

وظهر في الفيديو حسابات عمرو وردة وأيمن أشرف وأحمد حسن كوكا ومحمود حمدي الونش، لاعبي منتخب مصر.

وتابعت بالصور: “أن اللاعب عمرو وردة دخل لها على الخاص وكتب “بوكسينج ها ها ها ” تعليقًا على البوست الخاص بها”، فيما علق اللاعب محمود حمدي الونش على البوست الخاص بها برسالة تحمل علامة الإعجاب يصحبها علامة قلب على الشات بينهما”.

وأوضحت “ميرهان”: “فجأة وراها على طول الرسايل بدأت.

أولا أنا دايما برد على رسايلي خصوصا لو مصريين عشان محدش يقول واخدة في نفسها قلم

بس إن المنتخب الوطني كله يظهر عندي في نفس الوقت دي غريبة جدا وأكيد مش صدفة”.

“تعالى اليونان”.. القصة الكاملة لاتهام عمرو وردة بالتحرش بموديل مصرية

وتابعت: “ولحد كده كان عادي مفيش مشكلة، لكن واحد من الأساتذة يبعت يقولي أنا هعرف أجيب رقمك وانتى متعرفيش أنا مين وأنا محدش يطنشني دي بقى مش مظبوط. للأسف عندنا في مصر لما بيحبوا حد في مصر لما بيحبوا حد بيطلعوه السما كأنه بطل، والواقع غير كده خالص، احنا في مصر لو انتى بنت يبقى الغلط عليكي تلقائي بس احنا هنا مش في مصر، يا ريت الأساتذة يركزوا عالبطولة اللي الراجل الغلبان عندنا في مصر بيستلف ثمن الشاي عشان ينزل يتفرج عليكوا ده ما يجيلوش غلطة، والأستاذ اللي بيقولي انتي مش عارفة أنا مين؟ لا معرفش.. بس عرفت بقى لما سألت وعرفت إن ليك سوابق في المواضيع دي والكل عارفها”.