أسما شريف منير توجه رسالة مؤثرة لوالدها.. تعرف على التفاصيل (صورة)
شاركت أسما ابنه الفنان شريف منير متابعيها رأيها في والدها كممثل، وذلك عبر حسابها بموقع تبادل الصور انستجرام”.
وكتبت أسما: “سيبكوا تماماً من انه ابويا بس انا عايزة أقولكوا رائي فيه كممثل، هو عمل اصعب معادلة في التاريخ و هي حفاظه علي مكانته، بحترم فيه جداً قوة رفضه حتي لو كانت الظروف بتجبره علي انه يشتغل، انه زيه زي اي حد عنده بيت و عيال ومصاريف”.
View this post on Instagram
وأضافت، “بس دة مخلاهوش ينحت، بيتعب جداً في شغله و بيبذل مجهود في تفاصيل الشخصية اللي بيلعبها، صبغ شعره اصفر، اهتم بصحته و لعب رياضة، عمل ست بكل تفصلها، اتعلَّم رمايا( عشان لو جاله دور ماسك فيه مسدس و بينشن علي حاجة متبقاش مصطنعة) ، ركوب خَيل ، اخد دروس عبري عشان ولاد العم.
وتابعت، “عمل كمان حركة ذكية، بيعمل ادوار تبان ان هي شبه بعض زي مثلاً لما عمل ست. ناس كتير ممكن تقول انا مش هعمل دور ست مرتين بس هو عمل ست في ( حزمني يا ) كوميدي، و عمل دور ست في ( هستيريا) دراما توجع القلب، من الفنانين القليلين جداً اللي معندوش مانع يخاطر مع مخرج جديد و كمان عمره ما استكبر انه يشارك بطولة مع شباب جديد.
واختتمت كلامها، “الراجل دة فضل صامد و محافظ علي مستواه الفني من ساعة ما بدأ لحد انهاردة و عدي عليه ناس كتير و لسة محافظ علي مكانته الخاصة. أحب اشكره علي مجهوده اللي عمله في حياته كلها. انا بفتخر ان اسمي علي اسمه. ربنا يحبب فيك خلقه دائماً. اما بقي علاقتي بيه كا اب اكتر واحد بيتخانق معايا ويسمعني، صحبي جدا و بخاف منه (احتراماً ليه) لا و بخاف منه برضهمرعب جدا علي فكره، مره جوزي كان بيحضني قدامه جريت و نسيت انه عادي”، حنين و صارم و طيب… اتعلمت منه كتير اوي و شبه و في حاجات كتير، سندي و ضهري”.
