أحد ضحايا منصة FBC: فيه واحدة ست ماتت من قهرتها على فلوسها اللي ضاعت | بث مباشر

كشف شاب يدعى محمد، مقيم في محافظة القليوبية، عن تفاصيل تعرضه إلى النصب عن طريق منصة إلكترونية تدعى FBC، والتي وقع في فخها عدد كبير من الضحايا الذين اندفعوا وراء المكسب والأرباح الوهمية عبر الإنترنت، حتى وصلت إجمالي المبالغ إلى أكثر من 6 مليارات دولار.

أحد ضحايا منصة FBC: لو حد فكر يسحب فلوسه كانوا بيغروه بهدايا عشان يكمل

وقال الشاب محمد إن المنصة ادعت عملها في مجال الدعاية والإعلان، حيث كان لها سجلًا تجاريًا وبطاقة ضريبية، وهو الأمر الذي جعله يثق بها ويستثمر أمواله عن طريقها.

وتابع: المنصة ادعت إنها شغالة في مجال الدعايا والإعلان عن طريق رفع التفاعل على منصات فيس بوك أو تويتر.. والمطلوب مننا نشتري باقات بأول من 900 جنيه.. كانوا بيخلونا نحمل تطبيقات بس كانت بتنزل على سيستم المنصة مش الموبايلات بتاعتنا.. من جوايا كنت حاسس إن ممكن يكون فيه حاجة غلط.

وأضاف الشاب محمد أن المنصة كانت توفر لهم ميزة السحب اليومي للحصول على نصيبهم من الأرباح، وبعد ذلك أصبح السحب أسبوعيًا.

وواصل: لو حد فكر يسحب فلوسه كانوا بيغروه بفلوس وهدايا أكتر عشان يكمل.. القصة مش طمع مننا بس إحنا لاقينا إنها فرصة كويسة نكسب بيها.. وللأسف فيه واحدة ست ماتت من القهرة لما عرفت إنها اتنصب عليها.. وواحدة تانية جوزها طلقها لأنها حطت فلوسها كلها في المنصة وضاعت.