دوللي شاهين عن قلة أعمالها الفنية بسبب الجيل الجديد: يسرا بتشتغل لحد دلوقتي.. شوفوها من أنهى جيل
كشفت الفنانة دوللى شاهين عن سبب قلة أعمالها الفنية خلال الفترة الأخيرة في ظل وجود جيل جديد على الساحة الفنية.
وقالت دوللى شاهين في تصريح خاص لـ القاهرة 24 على هامش مشاركتها في معرض الكتاب: التيك توكرز مأثروش علينا والشغل رزق، مدام يسرا لسه بتشتغل لحد دلوقتي شوفوها من أنهى جيل، الرزق بتاع ربنا، وأنا بيجيلي شغل وبرفضه واللي بوافق عليه مبيكملش.
أعمال دوللى شاهين
يذكر أن أحدث أعمال الفنانة دوللي شاهين، أغنية دوللي ست البنات مؤخرًا التي طرحتها عبر صفحتها الرسمية بموقع الفيديوهات العالمي يوتيوب وعلى كل مواقع التواصل الاجتماعي والمنصات الإلكترونية.
ويقول مطلع الأغنية دوللي ست البنات: انا اسمي دولي وحلوة كلي ياما قالوا عني أنا الجامدة بسكوتة طعمة وجمالها نعمة بسبوسة قشطة على مانجة أنا حلويات ست البنات أنا ترندات ملكة جيلي دا في الأساطير حكوا عني كتير تغرق تتوه في تفاصيلي.
وفي وقت سابق، علقت دوللى شاهين على أزمة النجم عمرو دياب الشهيرة عبر حسابها الشخصي بموقع إكس، قائلة: بتنسوا إن الفنان إنسان عادي له مشاعر وأحاسيس وصبر وطول بال وبتتعاملوا معاه كأنه كائن آلي ولازم يمشي بكتالوج يرضيكم، بتقلوا منه بكلام وحش وانتقاد غير مبرر طول الوقت وعايزينه ملاك بجناحات.. عمرو دياب فنان كبير ومحترم أكيد خرج عن شعوره.. ارحموا من في الأرض يرحمكم من في السماء.
