سمية الخشاب عن ظهورها مع رامز جلال في حفل Joy Awards: متصالحتش معاه.. وربنا يجبلي حقي منه
علقت الفنانة سمية الخشاب، على ظهورها مع الفنان رامز جلال، في حفل توزيع جوائزJoy Awards، موضحة أنها لم تتصالح معه منذ ظهورها في برنامج المقالب الخاص به في موسم رمضان الماضي 2024، وإصابتها في يدها.
وقالت سمية الخشاب، في تصريح لـ القاهرة 24: متصالحتش معاه ومستنية ربنا يجبلي حقي منه، ودراعي مابقاش زي الأول وهو مستهتر ومش بيحترم الناس وطريقته عشوائية ومزعجه وأنا مش قادرة أسامحه.
سمية الخشاب: كان في تعمد للأذية في برنامج رامز
وفي وقت سابق، كشفت الفنانة سمية الخشاب تفاصيل إصابتها في برنامج رامز جاب من الآخر، مشيرة إلى أنها تعرضت لتمزق في الأربطة في القدم والكتف، وأكدت في تصريحات لـ القاهرة 24، أن معدة البرنامج أخبرتها أن البرنامج هذا العام مختلف وحواري فقط، رغم أنه كان يتم إخبارها بتفاصيل المقلب خلال ظهورها مع رامز في المرات السابقة.
وواصلت: ما كانش حد عارف وموجود محادثات بنينا على التليفون بالدليل، اتقال لينا إن البرنامج مختلف وأنه برنامج حواري ومفيش مقالب خالص.. واتقال كده من المعدة وقالت هيقابلك ويستقبلك ويتكلم معاكي.. ولكن للأسف بعدها بتيجي الكارثة الأرض بتتتشق وبتنزل بشكل غير مدروس، لأن مش معقول كل الناس تتصاب ومكملين.. وفيه ناس مرضيوش يعملوا مشاكل وهما حرين وفيه إصابات أكتر مني.
