مدحت صالح ردًا على انتقادات تجسيده عبد الحليم حافظ بمسلسل السندريلا: عملته بسبب ضغوط إنسانية
رد الفنان مدحت صالح، على انتقادات تقديمه شخصية المطرب عبد الحليم حافظ، في مسلسل السندريلا، الذي جسد السيرة الذاتية للراحلة سعاد حسني، من بطولة الفنانة منى زكي، والذي عُرض عام 2006.
وقال مدحت صالح في تصريحات إذاعية: بصراحة مكنتش حابب أعمل دوري في المسلسل، وكنت قلت رأيي من البداية، لكن الظروف اللي كان فيها العمل وقتها كانت إنسانية، وكان لازم نشتغل علشان الموقف، أنا لا شبه عبد الحليم ولا الحالة دي أنا، لكن عملت الدور وتعبت فيه حسب تعليمات المخرج، ومع ذلك، كنت شايف إنه ممكن حد تاني يعمله أحسن مني.
وواصل مدحت صالح: الضغوط الإنسانية أحيانًا بتخلينا نعمل حاجات مش دايمًا بنكون مقتنعين بيها 100%، وأنا شخصيًا بحاول دايمًا أشتغل في حاجة بحس إني أقدر أقدمها بشكل متمكن.
مدحت صالح يكشف كواليس مسرحية حزمني يا
كما تحدث الفنان مدحت صالح، عن كواليس مسرحية حزمني يا، قائلًا: أستاذ سمير العصفوري هو من أعظم المخرجين في المسرح الكوميدي، ومبيبقاش مرتبط بالورق بشكل صارم، واستقرينا وصنفنا مين هيمسك أنهي شخصية، وأنا خدت شخصية الموظفة هنيدي خد الشخصية الست اللي تحت الكوبري، والمشهد اتعمل، وأستاذ محمد متولي مكنش عنده وقت يقول حاجة.
وواصل: عم حسن حسني أنا بسميه سواق الراوية وهو زي المايسترو بيعرف يفتح سكك وبيعمل جو لطيف، وكل كواليس الحب بتاعة حزمني يا هي اللي اتنقلت على المسرح، وكلنا كنا مكسوفين ندخل بلبس الستات، وعدت بشكل لطيف والناس تقبلتها.
