نائب وزير المالية: قيمة الهواتف المهربة وصلت لـ 5 مليار جنيه
كشف شريف الكيلانى، نائب وزير المالية للسياسات الضريبية، أن قيمة هواتف التليفون المحمول المهربة داخل مصر وصلت لـ 5 مليار جنيه شهريا.
نائب وزير المالية: قيمة الهواتف المهربة وصلت لـ 5 مليار جنيه
وأضاف نائب وزير المالية، خلال تصريحات تلفزيونية: الناس بتيجى رابطة الموبايلات على رجليهم وعلى وسطهم وبطنهم بالـ20 والـ30 موبايل غير اللى بنلاقيها فى جيوب سحرية فى الشنطة.
تابع: فيه ناس بتهرب موبايلات فى صفيحة زبالة فى الحمام بالمطار عشان زميل ليه يجى ياخدهم، وكل الطرق دى فى المطار بس، غير عربيات النقل عبر الحدود، المهرب بيكسب فى تهريب الموبايل 10 آلاف جنيه مثلا
ومؤخرا، كشف شريف الكيلانى حقيقة فرض رسوم جديدة على الهاتف المحمول، لافتا إلى أن الحديث حول فرض ضريبة على التليفون المحمول عار من الصحة.
وأضاف نائب وزير المالية، خلال تصريحات صحفية مسجلة بثتها الصفحة الرسمية لمركز المعلومات بمجلس الوزراء على فيسبوك: إحنا بنعمل حوكمة لدخول التليفون المحمول ونفاذه من المنافذ الجمركية، أي شخص بيوصل معاه تليفون شخصي مسموح له الدخول بيه بدون رسوم لكن يسجله عبر أبلكيشن.
