تدهور الحالة الصحية لإبراهيم شيكا لاعب الزمالك السابق.. وزوجته: مش بياكل ولا بينام
تدهورت الحالة الصحية لـ إبراهيم شيكا لاعب الزمالك السابق في الساعات الأخيرة، وذلك بسبب معاناته مع مرض السرطان، وفقًا لما كشفته زوجته هبة التركي.
تدهور الحالة الصحية لـ إبراهيم شيكا
ونشر شيكا صورة عبر حسابه الشخصي على تيك توك، والتي أوضحت تدهور وتراجع حالته الصحية، فيما قالت زوجته: إبراهيم تعبان جدًا ومش بينام من الوجع، وممنوع من الأكل والحركة.
وأضافت هبة التركي: مش عايزة حد يكون شايل منه، ولا حد يكون شايل في قلبه منه، ادعوا له يقوم بالسلامة وعلى الأقل الفترة دي يكون كويس ومرتاح، وشكرًا لكل اللي بيدعمه وبيسأل عليه.
تفاصيل مرض إبراهيم شيكا
وفي وقت سابق، كشفت زوجة إبراهيم شيكا تفاصيل الحالة الصحية للاعب الزمالك السابق، حيث قالت في تصريحات خاصة لـ القاهرة 24: إبراهيم كان يعاني من مشكلة بسيطة وخضع لعملية، ولكن بعد ذلك فوجئ بمضاعفات خطيرة مثل النزيف، حتى تم تشخيصه بمرض سرطان المستقيم، مما يتطلب رعاية طبية متخصصة، وتكاليف علاجية باهظة.
وأضافت: زوجي يوم عن يوم حالته بتسوء، عنده سرطان المستقيم في مراحله الأخيرة، ونفسيته بقت سيئة جدا، وكل يوم بيبكي على حالته والدكتور قالي لازم يتحجز في مستشفى فيها غرفة لجراحة الآورام، ويحتاج لعلاج كيماوي تكلفته تتجاوز الـ 20 ألف شهريًا.
واختتمت: الدكتور قالي كويس إنه واقف على رجله لحد دلوقتي حالته صعبة جدا، ووصل بي الحال إني بقيت أنزل أشتريله مسكنات حتى لو الساعة 3 الفجر من كتر التعب والألم اللي بيشوفوه، وأنا طول الوقت بديله أمل إنه هيبقى كويس وهيخف وبحاول أطمنه، لأنه طول الوقت حاسس بوحدة واكتئاب بسبب المرض والأدوية اللي بياخدها وتعب من اللف على الدكاترة، اللي بيقولولي لو استمر بدون علاج كده مش هيعيش لأن الورم انتشر في جسمه.
