الشركة لم ترد.. عميل يزعم انفجار بوتوجاز من منتجات يونيون إير: تعرضنا جميعًا للخطر
اشتكى عميل من شركة يونيون إير، بسبب سوء بعض منتجات الشركة المعروضة بالسوق المصرية، زاعمًا حدوث كارثة تسببت في إحداث حريق هائل، بسبب بوتجاز يونيون إير.
عميل يحذر من منتجات يونيون إير
وحذر من بوتجاز بلت إن وفرن بلت إن، إذ ادعى حدوث انفجار في بوتجازه، بشكل مفاجئ، وسط محاولات العميل في التواصل مع الشركة لإيجاد حلول نهائية للمنتج.
وقال: للأسف الشديد أنا اشتريت بوتجاز بلت إن، وفرن بلت إن من شركة يونيون إير، ويارتني ما اشتريت، لأنه مع بداية تشغيل الفرن لمده 4 أيام شاشة التاتش فصلت والفرن أصبح يفصل لوحده وهو شغال، عملت طلب صيانة وحضروا غيروا الشاشة وهو أسبوع واحد والشاشة فصلت تاني، كلمتهم تاني وقولت عايز أغير الفرن؛ لأني دي تاني مرة نفس العيب.
وادعى: تواصلت معايا إدارة يونيون إير، وبأسلوب لا يوجد به احترافية نهائيًا، إنهم هيصلحوا مش هيغيروا ولما صممت على التغير، سبوني شهر وردهم كان في قلة الذوق، احنا هنعملك إيه وعلشان الزنقة، اضطرت إني أوافق على الإصلاح وتم تغيير الشاشة لثالث مرة، وبعد الإصلاح بأسبوعين عادت الشاشة للفصل مرة تانية على فترات، وما زاد المأساة إن البوتجاز البلت إن اللي من عندهم وكان زجاج.
وزعم: فجأة ودون سابق إنذار في الصباح الساعة 10، سمعت دوي انفجار في المطبخ، فتوجهت إلى المطبخ لأجد الزجاج الخاص بالبوتجاز انفجر وتناثر في المطبخ كله، ولستر ربنا إن محدش كان في المطبخ، كلمتهم خدوا الموضوع بلا مبالاة، وقولتهم إن البوتجاز كان هيعمل كارثة غير الرعب اللي سببوا للأولاد، قالولي احنا مالناش فيه، لازم تدفع ثمن الإصلاح دون اعتذار، وللمعرفة تصنعيهم ردئ جدا.
وحاول القاهرة 24 التواصل مع شركة يونيون إير للاستفسار عن الحادث، لكن الشركة لم ترد.
