خالد النبوي: دخلت المعهد العالي للتعاون الزراعي ومحبتهوش.. ومجال التمثيل لم يكن في الحسبان
كشف الفنان خالد النبوي كواليس دخوله مجال التمثيل، مشيرًا إلى أن دخوله لم يكن في الحسبان جاءت عن طريق المصادفة خلال وجوده في مسرح الجامعة، مؤكدًا أنه كان في مرحلة البحث عن مصدر دخل يكون مغرم به وليس للربح فقط.
قال خالد النبوي خلال ندوته في مهرجان القاهرة الدولي للفيلم القصير: دخلت المعهد العالي للتعاون الزراعي وبعدين لاقيت نفسي مش بحبه، وفتحت باب المسرح كان مكتوب عليه حجرة المسرح وأنا معرفش حاجة خالص، كل اللي أعرفه أني بشوف أفلام وبقرأ كتب وبسمع مزيكا، دي كل علاقتي بالفن عمري ما فكرت في التمثيل.
كواليس دخول خالد النبوي التمثيل
وأضاف خالد النبوي بأنه تخوف في بداية دخوله هذا المجال، قائلًا دخلت المكان لاقيت طرابيزه للبروفات ومجموعة ناس ومخرج قاعد، وأنا مش عارف أن ده مخرج، وقالي أقراء معانا قولتله، لا أنا جاي أتفرج، فقالي طب أطلع بره فهطلع بره هحروح الكفاتيرية، فمطلعتش، قالي أنت هتعمل معانا الدور ده، وأنا كنت بطل المسرحية لما روحت ولاقيت الدور بطل المسرحية قولت الراجل ده في حاجة مش مظبوطه، أنا كده هبوظله الدنيا فا مروحتش، بعدها شافني في الكفاتيرية قالي أنت مجتش ليه أنا هرفدك وهشتكيك، فخوفت كان وكيل المعهد وقتها مش عارف خوفت ليه، مع أني مكنتش بحضر محضرات بشتغل بس، المسرحية كان اسمها القفل، كنت لسه في مرحلة البحث أيه اللي بحبه وهكسب منه لقمة عيشي.
