ياسمين عز توجه رسالة للسيدات قبل مباراة الأهلي غدًا: بلاش أسئلة عن روتين شعر مروان عطية
حرصت الإعلامية ياسمين عز، على توجيه رسالة للنساء والرجال، عبر برنامجها الذي تقدمه تحت عنوان كلام الناس، قائلة: الحياة ليست مضمونة وفي لحظة يمكن للإنسان أن يغادر العالم.
برنامج كلام الناس
وأضافت ياسمين عز في مقدمة برنامجها كلام الناس، المذاع عبر شاشة قناة MBC: رسالتي للرجالة خلي بالك من نفسك علشان ممكن تنام متقومش ونترحم عليك، ورسالتي للسيدات خلي بالك من جوزك علشان ممكن يكون عايش معاكي علشان الولاد وأمير في رواية أحدهم.
كما تطرقت ياسمين عز إلى مباراة الغد المقرر إقامتها بين النادي الأهلي ونادي باتشوكا بكأس الإنتركونتننتال، قائلة: الأهلي بكرة عنده مباراة دولية مع فريق باتشوكا، وأقولكم أعملوا شكشوكة، وبلاش أسئلة للرجالة هو ايه روتين شعر مروان عطية وفين محمد صلاح مش بيلعب ليه وأوعي تسألي مين الأهم أنا ولا الماتش لأن الإجابة معروفة.
ياسمين عز تهاجم أنصار المساكنة
وفي سياق مختلف، انفعلت ياسمين عز في برنامجها كلام الناس، وهاجمت محللي المُساكنة وكثرة الحديث عنها مؤخرًا.
وقالت ياسمين عز في برنامجها كلام الناس: إزاي بتحللوا المساكنة من غير جواز؟ ومين اخترع الاسم ده، والمساكنة واحد مش عاوز يتجوز واحدة قالها تعالي أنتِ هتبقي مراتي صدقتوه وراحت، ده تعريف مؤدب وبسيط، هناك تعريف محترم في تعريف آخر قليل الأدب مش هقوله، المساكنة قلة أدب، يعني اتنين مش متجوزين عايشين في بيت واحد مع بعض، ليه مكسوفين نقول معناها الحقيقي، ده مش عيب ده حرام وشتان بين العيب والحرام، وإهانة للمرأة، أين دينك، فين حقوقك؟ وكرامتك فين في موضوع المساكنة، أنا ذيكو ست وبقولك ده تقليل من شأن المرأة.
